aMatiyu 24:11 - Izere New Testament

¹¹ Áner kuzarap áfe abo̱o̱s whe̱re̱ tà wuruk ne á wo̱ro̱k ánerawe whe̱re̱.

aMatiyu 24:11 Referans Kwoze

aMatiyu 24:24

Kamok aKiristi áfe abo̱o̱s be áner kuzarap abo̱o̱s tà wuruk ne á nye itomong azhing be ike̱re̱ azhing nong á ta wo̱ro̱k ánerawe ma be áya a tan kasa, ke i ta kyem i se anong.

aMatiyu 7:15

“Nye yin tatan be áner kuzarap áfe abo̱o̱s. Á be̱s nufe yin be kuse itsamang, amma katsak'e, á se kyo̱ndi ámaan ágabu katse.

aMatiyu 24:5

Kamok ánerawe whe̱re̱ tà be̱s kaye̱e̱r riyerek'i, ne á fe̱ ye, ‘Mi ne i nye aKiristi,’ ma á tà wo̱ro̱k ánerawe whe̱re̱.

1 aTimoti 4:1

To̱, Kabik ti tonong yir kanang ye kaye̱e̱r inom igang'e, ánerawe ákak ta won kuno̱o̱k katsak kufe áfikuus nong á ta kuus nabik nafe na ta wo̱ro̱k ánerawe ne ike̱re̱ iya amaan nabik ta bo̱so̱p ánerawe'me.

aMarkus 13:22

Kamok ákiristi abo̱o̱s, ne áner kuzarap afe abo̱o̱s tà wuruk á ta nye ike̱re̱ azhing ne itomong azhing nong a ta wo̱k aya Adakunom tan kasa, ke a fa nye ba ta kyem a nye anong.

Ike̱ng a ta tonong aYohana 19:20

Ayong a yiir kukewum ame mak be aner kuzarap abo̱o̱s aya a ta nye ike̱re̱ azhing be riyerek kukewum ame. Kamok ike̱re̱ azhing'e iyong ne i wo̱ro̱k áfe a tá be izizo̱ kukewum ame ne á ya ike̱ng kukewum'me ta nye iben. Cice̱r ba a tá barak ba be kutser kaye̱e̱r icen kuro̱ng kuya ku ta cishek dide̱ng ne itong ikak kyo̱ndi ife abindiga.

2 aBitrus 2:1

Kyo̱ndi áner kuzarap áfe abo̱o̱s tú ku se kaye̱e̱r ánerawe Adakunom'me gbugbang, anong ne áner kubo̱so̱p áfe abo̱o̱s ákak tà wuruk kaye̱e̱r yin. Á ta be̱s be kubo̱so̱p kukak kyo̱o̱n, á ta bo̱so̱p ánerawe abo̱o̱s ma á tù ku beseng ba ma ánerawe tà gaar Agwo̱m Ágwo̱m aya a tá ka shesh ba. Ku nye anong ta sak ba be rice ba ta kpa zizirik.

aZhud 1:4

Mi fe̱ anong, kamok áner kuri ákak n no̱ kaye̱e̱r yin kyo̱o̱n. Á fok inyim Adakunom baꞌ. Á sok ritek Adakunom nong ri ta te iren kunye kpe̱de̱ng. Á ton'e aYeso Kiristi ye sang wu ne a nye Atekasa ne a nye Agwo̱m Ágwo̱m yir baꞌ. Kum gbugbang a tsang a zibir ye a tú ku to̱ ba amok.

1 aYohana 4:1

Aro̱, yin aya mi ta shim, tin no̱o̱k yin katsak natoon koakye kuri kabik baꞌ, bo̱mo̱ng yin kuri nabik'e nizham nong ta di yin ka na ne nufe Adakunom'me. Kamok áner kuzarap áfe abo̱o̱s kuse whe̱re̱ nazatse kyo̱o̱rna.

1 aYohana 2:18

Inoon'i, yin aya mi ta shim, won ta ka tak yin, inom na nye izen gang'e. Kyo̱ndi yin tá fok yin ye ámudo̱n aYeso Kiristi tà be̱, kyo̱o̱rna gip ámudo̱n'e m be̱ whe̱re̱. Kamok anong yir ren yir ye inom igang'e m be̱ bubarak.

1 aYohana 2:26

Mi ta zibir yin ike̱re̱ na natoon áner á ta shim á ta ka wo̱ro̱k yin nong ta won yin ikuus.

Itomong Ámanzo 20:30

Kaye̱e̱r yin gip, ákak tà dorok nong á ta buruk katsak'e nong ase̱ áfikuus akak tà ka kuus ba.

aMatiyu 24:12

Kamok amaan kunye tin barang, kushim ánerawe whe̱re̱ tà shirim.