aMatiyu 24:10 - Izere New Testament

¹⁰ Nizen iyong, ánerawe whe̱re̱ tà won kuno̱o̱k katsak ba ne á naka wosong nibo̱k ámudo̱n ba ne á naka shishim.

aMatiyu 24:10 Referans Kwoze

aLuka 21:16

Áda be ángo̱ yin ne áronyining yin be afe iri yin ne áferime̱ yin tà ka sok yin á tà no̱o̱k nong á tà fe̱s ákak yin.

aMarkus 13:12

“Aronyining tà sok aronyining wu nong a tà no̱o̱k a tà fe̱r, atek inoon tà sok inoon ba nong á tà no̱o̱k. Inoon tà shonong átek ba'me, ma a tà ka fe̱s ba.

aMatiyu 11:6

Aner riye̱ rikan ne a nye aner aya a tin be agak riye̱ natoon mi baꞌ.”

aMarkus 4:17

amma rife̱'me kpa agap naye̱ ba baꞌ, a sor dide̱ng baꞌ. Ke izen iya ne kudaam ka kutabak be̱ kamok rife̱'me ne a wor a kpa.

2 aTimoti 4:16

Nizen iya a tá tseng be mi naro̱ amok ni ime̱se̱ng'e, akak ti tobok baꞌ, koangan ti won. Mi mok ye Adakunom tà yiir iyong natoon rice ba baꞌ.

aMatiyu 13:21

Amma sang a ra be atsip baꞌ, a sor nizen cie̱k tsek. Izen iya ne kudaam ka kutabak be̱ kamok rife̱ Adakunom'me ne a wor a kubun kama.

aMatiyu 10:21

“Aronyining tà no̱o̱k aronyining wu nong a tà fe̱r ne atek igon no̱o̱k igon wu. Inoon tà shonong atek ba'me ma a tù ku fe̱s ba.

2 aTimoti 4:10

kamok aDemas min won kamok kushim kazatse na, nong a tá be na aTasalonika, aKirishen be na aGalati, aTitus be aDalmatiya.

2 aTimoti 1:15

Wan ren ye koangan niben Asiya ti kirik kama, ma be aFizhilus ne aHamozhanis gip.

aMatiyu 13:57

Iyong á nye riye̱ kubeseng be wu. Ne aYeso fe̱ be ba ye, “Aner kuzarap be kuyiik koake̱ amma a be kuyiik nuwo̱p wu be kari wu baꞌ.”

aMatiyu 24:11

Áner kuzarap áfe abo̱o̱s whe̱re̱ tà wuruk ne á wo̱ro̱k ánerawe whe̱re̱.