aMatiyu 23:9 - Izere New Testament

⁹ Sang yin tu yis yin akak ye, ‘Ada’ kaye̱e̱r kazatse baꞌ, kamok yin be yin Ada azining tsek aya a ta se kaye̱e̱r kaza.

aMatiyu 23:9 Referans Kwoze

1 aYohana 3:1

Ye̱re̱k yin ta di yin kuri kushim Adakunom tin shim yir ma a ti yis yir ye inoon wu. Ike̱ng yir ta nye yir'ong! Kazatse ti ren yir baꞌ, kamok ba tu ren baꞌ.

Ibrani 12:9

Yir be yir áda yir áfe kuro̱m áya a tin nees yir, iyong ne i sak yir ta ka di yir ba yiik. Fa gye̱ ke yir tiyiik yir Ada yir afe Kabik a ta be kutser ne i nar yir aꞌa?

aMatiyu 7:11

Ke yin, i ta nye yin amaan'e, i ren i nyesek yin inoon yin ike̱re̱ itek, shita Ada afe ta se kaye̱e̱r kaza ta won dar a no̱o̱k aya a tu ku rip ike̱re̱ itek a?

1 aKoranti 4:15

Yin be yin áner á ta ka bo̱so̱p yin'e kaye̱e̱r aKiristi whe̱re̱ gye̱rtatan, amma yin be yin áda whe̱re̱ baꞌ, kamok kaye̱e̱r aYeso Kiristi, mi sor ada yin nizen mi tá ka taas yin Rife̱ Ritek

2 aKoranti 6:18

“Mi ta te Ada yin ne yin sor yin inoon'i, acam be nanamang Agwo̱m Ágwo̱m ayiik'e ne ku fe̱ anong.”

Itomong Ámanzo 22:1

“Áda be ároneng, wesek yin kuto nong ta fok yin kuto̱ kunaan.”

aMatiyu 6:32

Kamok áfurin gip, á atse̱r ike̱re̱ kuri iyong. Ada yin afe a ta se kaye̱e̱r kaza ren ye yin tse̱r yin ike̱re̱ iyong.

aMatiyu 23:10

Sang a ta ka yis yin ye, ‘Áko̱k kasho̱o̱n’ baꞌ, kamok yin be yin ako̱k kasho̱o̱n azining tsek, wu ne a nye aKiristi'me.