aMatiyu 23:34 - Izere New Testament

³⁴ Kamok anong, mi sen ka tom yin be áner kuzarap ne áner áfe kukyem be áner á tana ka bo̱so̱p yin'e. Yin tà fe̱s yin ákak ba ne i tigak yin ákak. Yin tà whereng yin ákak ba kaye̱e̱r atu aduwa ne i ku ro yin ba ma ni iwo̱p ze̱r ze̱r.

aMatiyu 23:34 Referans Kwoze

aMatiyu 13:52

Ayong aYeso fe̱ be ba ye, “Kamok anong, koangan aner kubo̱so̱p Itsi aya a ta mu ku tak itak rigwo̱m kaza se kyo̱ndi atekasa a tana turung ike̱re̱ izen be ifas wu tan tusung nong a tin nye itomong.”

aKolosi 1:28

Iyong ne i sak yir ta taas yir itak aKiristi, yir kpam yir koangan ne ibo̱so̱p yir ánerawe'me be koakye kuri kukyem yir nong ta tseng yir be koangan mumak kaye̱e̱r aKiristi.

Itomong Ámanzo 13:1

Áner kuzarap ákak ne áner kubo̱so̱p tuse kaye̱e̱r áfikuus Antakiya. Ákak kaye̱e̱r ba nye aBarnabas be aSiman aya a tú ku yis ye kukpa kuwe ne aLushiyos a tá nye aner aKurane'me be aManayen (aya a tá ta mak be aHiridus) ne Ashawulu.

aMatiyu 10:23

Ke á ta tabak yin nuwo̱p kukak, to̱, ne yin teng yin ta be yin kaye̱e̱r kuwo̱p kukak. Katsak'e ne mi ta ka tak yin, nizham yin tà ra gang yin kugorok iwo̱p Isarela cice̱r Igon Anerawe ta tsang ka be̱.

Ike̱ng a ta tonong aYohana 11:10

Ánerawe kazatse tà nye riye̱ rikan dide̱ng, kamok rikus átom'ong. Á ta nye riye̱ rikan ne á naka toos be ike̱re̱ kamok riku áner kuzarap afa'ong ne risam á tá no̱o̱k kazatse.

Ibrani 11:37

A barak ákak be ata, ne a te̱se̱ng ákak ba abir'e be azarto, ne a fe̱s ákak be awe̱n atsor. Ákak tes akpa itsamang ne afe izha iwe, ne á tsang a tseng. Á te afe rizor ne a nye be ba kye̱re̱ ne a ku tabak ba.

1 aKoranti 3:10

Mi ti nye itomong be ritek Adakunom tin no̱o̱k ne i ni barak ribor kyo̱ndi aner aya ta ren rino̱k dide̱ng. Iyong ákak sen nino̱k natoon'e. Koangan a ta sen nino̱k natoon'e rin sak riye̱ be iren iya wu ta sen no̱k'e.

1 aKoranti 2:6

Gip be anong, yir fe̱ yir rife̱ riya ri ta nye rife kukyem kuri rife áner á tan kyem ánerawe nabik sang kuri rife ágwo̱m kazatse ka kuri kufe áner izam na áya a tana wei baꞌ.

Itomong Ámanzo 15:32

aYahuda be aSila á tá nye áner kuzarap be ace ba gip á fe̱ rife̱ dide̱ng riya ri ta sak áfikuus Antakiya ti barang kuse̱ agap.

Itomong Ámanzo 14:19

Iyong áner aYahuda ákak áya a tá ne na Antakiya ne Ikoniya be̱ á ta whap ánerawe ma á barak aBulus be ata. Á tú ko̱k á tú ku tun nuwo̱p'e, ba sor ye an ku.

Itomong Ámanzo 12:2

aHiridus'e sak a tá fe̱r aYakub aronyining aYohana be kuwe̱n kutsor.

Itomong Ámanzo 11:27

Nizen iyong ne áner kuzarap ákak ne na aUshalima nong a tá be̱ na Antakiya.

Itomong Ámanzo 5:40

Ike̱ng iya aGamaliya tá fe̱'ong no̱ kaye̱e̱r aye̱ ba, ayong á shim rife̱ wu. Ayong a yis ámanzo'me kaye̱e̱r'e, a tá sak a tá ka whereng ba, nong á ta fe̱ be ba ye á tu ba fe̱ ike̱ng ikak kaye̱e̱r riyerek aYeso ko cie̱k baꞌ. Ne á ku won ba á tá tseng.

Itomong Ámanzo 1:8

Amma izen iya ne yin shan yin kukyem nizen iya Kabik Kazhe̱l'e tanin tiik natoon yin, yin tà te yin áner aya tana fe̱ yin itak natoon'i, ta san yin rife̱'me kaye̱e̱r aUshalima, be na aYahudiya be na aSamariya ne ma nigang kazatse cei.”

aYohana 20:21

Ne aYeso bun a fe̱ be ba ye, “Kameneng riye̱ se mak be yin! Kyo̱ndi Ada'me tin tom, anong ne mi ma sen ka tom yin.”

aYohana 16:2

Á tà ka turung yin kaye̱e̱r atu aduwa. Katsak'e, izen saase iya ke aner akak a ta fe̱r yin, a tà di ye wu sen nye itomong Adakunom.

aLuka 24:47

A ta taas ánerawe ninaro̱ ze̱r ze̱r itak natoon kushishing kuse be kure̱ng rine̱n kaye̱e̱r riyerek wu, A ta san'e na aUshalima.

1 aTasalonika 2:16

A ti roon yir kutaas ánerawe áya a ta nye áner aYahuda baꞌ rife̱ Agwo̱m Ágwo̱m yir nong fan á bu se̱ kashesh. Be kunye anong ne ba ti barang kutusung rine̱n ba, amma kyo̱o̱rna riye̱ kubeseng Adakunom n min tiik natoon ba.

aMatiyu 23:31

Kamok anong yin bun i tonong yin be ace yin ye yin nye yin afe iri áner a tá fe̱s áner kuzarap.