aMatiyu 23:28 - Izere New Testament

²⁸ Anong ne yin se yin, nasho̱o̱n ánerawe, yin se yin kyo̱ndi áner átek nasho̱o̱n Adakunom, amma kaye̱e̱r aye̱ yin, yin nye yin akardak'e be amaan kuse.

aMatiyu 23:28 Referans Kwoze

aLuka 16:15

aYeso fe̱ be ba ye, “Yin ne i shim yin ánerawe ta ka di yin ye yin nye yin áner katsak, amma Adakunom ren aye̱ yin. Ike̱re̱ ánerawe ta di yiik i se fe̱re̱ nufe Adakunom.”

aMatiyu 23:5

“Ike̱re̱ ba ta nye se nong ánerawe ta di tsek; Á tos alau be rife̱ Adakunom nong á tá rosom na nati ba, ne akpiin ba ras aso̱p ma kaben.

aMatiyu 23:27

“Awo̱ be yin áner i ta bo̱so̱p yin ánerawe Itsi ne áner aFarisi, yin ákardak áner. Yin se yin kyo̱ndi kure̱k kuya a tin te kuto̱p kukan natoon'e nong ku ta sas amma kaye̱e̱r'e nye ikup anerawe be ike̱re̱ i tan bus.

aMatiyu 23:29

“Awo̱ be yin áner i ta bo̱so̱p yin ánerawe Itsi ne áner aFarisi, yin ákardak áner! Yin no̱k yin are̱k áner kuzarap ne i zem yin are̱k áner aya a ta nye kusor kutek nasho̱o̱n Adakunom.

aGalati 2:13

Anong ne ribir áner aYahuda áya a tá nye áfikuus kuus kama wu natoon kune̱r kuse wu, kamok kuse'ong sak aBarnabas taam gip.