aMatiyu 23:15 - Izere New Testament

¹⁵ “Awo̱ be yin áner kubo̱so̱p ánerawe Itsi ne áner aFarisi, yin ákardak áner! Yin tseng i gorok yin iwo̱p ze̱r ze̱r ne i tá sak yin agbang isho̱ng ni itse̱r aner azining aya a tana kuus iren yin. Ke i tu se̱ yin ne yin te yin be wu kyo̱ndi a ta nar yin kunye rine̱n.

aMatiyu 23:15 Referans Kwoze

Afisa 2:3

Yir cice̱r, yir i tsang i se yir kyo̱ndi ba gip ne i shim kunye yir ike̱re̱ imaan'e iya aye̱ yir ta shim ne i kuus yir kuse be kuto̱ro̱ng yir. Kyo̱ndi koangan ta se, be anong kaye̱e̱r kuse rinerawe yir gip riye̱ kubeseng Adakunom se natoon yir kyo̱ndi ri ta se natoon ba gip.

Itomong Ámanzo 13:43

Ánerawe ta fa naka kaas, yong áner aYahuda be áya a ta nye áner aYahuda baꞌ, áya a tá won kukuus igo̱o̱n ba á te áner aYahuda kuus aBulus be aBarnabas. Iyong aBulus be aBarnabas'e fe̱ be ba ye a ru ya kasho̱o̱n kaye̱e̱r ritek Adakunom.

Itomong Ámanzo 13:10

“Wan nye igon Ishetan, wan shim ike̱ng iya i ta nye itek nigaan'e baꞌ. Wan mak i shim kuwo̱ro̱k ánerawe nong ta ka mo̱o̱r ba. Wan ta won kuburuk katsak rife̱ Adakunom aꞌa?

Itomong Ámanzo 14:2

Áner aYahuda áya a ta gaar ku nino̱o̱k katsak tees áner aya a ta nye áner aYahuda ma a ta sak ba di áfikuus kye̱re̱.

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.

aGalati 6:12

Áner aya a ta shim yin tu ku di ba kyo̱ndi ba nye ike̱ng ikak, a shim a ta ka sak yin ta nye yin izhak. Ike̱ng i ta sak ba ta nye anong, nye fan a ba ka tabak ba kamok itak kutigak aKiristi.

aGalati 4:17

Áfe kubo̱so̱p ánerawe abo̱o̱s'ong tonong ye ba ka shim yin amma kunye kufe katsak baꞌ. Ike̱ng ba ta shim nye nong á ta ka kam yin be yir, nong ase̱ yin tu ku shim yin ba dide̱ng.

aMatiyu 5:22

Amma mi fe̱ be yin kyo̱o̱rna'me ye, aner aya ne riye̱ wu beseng be aronyining wu, a tú ku to̱ amok. Koangan ne a fe̱ be aronyining wu ye a nye ‘Azizik'e’ a tà tseng be wu nasho̱o̱n áko̱k kasho̱o̱n. Koangan ne a yis afudang ye, ‘Afunam akak,’ a kyem ke a no̱ kaye̱e̱r kasa kuro̱ng.

Itomong Ámanzo 17:13

Nizen áner aYahuda aya á tá se na aTasalonika tá fa fok ye aBulus sen nye awazi Rife̱ Ritek na aBiriya, yong á tseng azong gip, nong á tá se whap ánerawe a tá kpaan kuren.

Itomong Ámanzo 14:19

Iyong áner aYahuda ákak áya a tá ne na Antakiya ne Ikoniya be̱ á ta whap ánerawe ma á barak aBulus be ata. Á tú ko̱k á tú ku tun nuwo̱p'e, ba sor ye an ku.

Itomong Ámanzo 2:10

Ákak yir nye áner aFirizhiya ne ákak nye áfe aPamfiliya ze̱e̱r be áfe aMasar ne áner á ta se nikyim aSirin bubarak be aLibiya, be átsen áya a ta nes na aRom cei

Itomong Ámanzo 6:5

Áfikuus'e cice̱r fok kusas ibo̱ro̱ng iya ba tá no̱o̱k, ayong á kasa aFilibus ne aPurokorus be aNikano ne aTimon be aParmenas ne aNikolas a tá nye aner Antakiya, aya sang a tá nye aner aYahuda, amma a no̱ ni ikuus igo̱o̱n ba.

aMatiyu 5:29

Ke rinyisi abas kubo̱k riya wan tà sak nong tà nye rine̱n, tun nong ta barak! I tà nar wan ti wei ribir kuro̱m wan be kuro̱m wan cice̱r tana no̱ kaye̱e̱r kasa kuro̱ng.

aMatiyu 3:7

Nizen wu tá di áner aFarisi be áner aSadusi whe̱re̱ tá be̱s naro̱ wu tá se be kunye abatisma'me, a fe̱ be ba ye, “Yin naban áfomong, angan tá tak yin ye, i ru ku teng yin amok Adakunom a tà saase e̱?

aMatiyu 23:13

“Awo̱ be yin áner kubo̱so̱p ánerawe Itsi ne áner aFarisi, yin ákardak áner. Yin te̱ne̱ng yin ánerawe iren kuno̱ kaye̱e̱r rigwo̱m kaza amma yin, yin no̱ yin baꞌ, yin won yin áfe a ta shim kuno̱ á ta no̱ baꞌ.