aMatiyu 23:13 - Izere New Testament

¹³ “Awo̱ be yin áner kubo̱so̱p ánerawe Itsi ne áner aFarisi, yin ákardak áner. Yin te̱ne̱ng yin ánerawe iren kuno̱ kaye̱e̱r rigwo̱m kaza amma yin, yin no̱ yin baꞌ, yin won yin áfe a ta shim kuno̱ á ta no̱ baꞌ.

aMatiyu 23:13 Referans Kwoze

aLuka 11:52

“Awo̱ be yin áya i ta ren yin Itsi dide̱ng, yin te̱ne̱ng yin ánerawe iren kuren Adakunom. Yin no̱ yin baꞌ, yin won yin ákak ta no̱ baꞌ.”

aMatiyu 23:29

“Awo̱ be yin áner i ta bo̱so̱p yin ánerawe Itsi ne áner aFarisi, yin ákardak áner! Yin no̱k yin are̱k áner kuzarap ne i zem yin are̱k áner aya a ta nye kusor kutek nasho̱o̱n Adakunom.

aMatiyu 23:27

“Awo̱ be yin áner i ta bo̱so̱p yin ánerawe Itsi ne áner aFarisi, yin ákardak áner. Yin se yin kyo̱ndi kure̱k kuya a tin te kuto̱p kukan natoon'e nong ku ta sas amma kaye̱e̱r'e nye ikup anerawe be ike̱re̱ i tan bus.

aMatiyu 23:23

“Awo̱ be yin áner kubo̱so̱p ánerawe Itsi ne aner aFarisi, yin ákardak áner, yin nyesek yin izining kaye̱e̱r koakye ike̱ng kusok kaye̱e̱r afumung aya a tana sak naya tana ta. Amma yin won yin Itsi i ta nye igbang'e, kyo̱ndi katsak be kuro̱ riye̱ ne kunye ike̱ng i ta se gye̱r. I se gye̱r ta kuus ike̱re̱'me cei, sang tu won yin ikak baꞌ.

Itomong Ámanzo 8:1

Ashawulu se azong, a kuus kama kufe̱r Itifanus. Katuk'ong, a tabak áfikuus dide̱ng kaye̱e̱r aUshalima, ma cice̱r á te shaam, ákak be niben aYahudiya ne ákak be niben aSamariya, ámanzo tsek ne á tú ku won

2 aTimoti 4:15

Wan gip sak riye̱ be wu, kamok a shik rife̱ yir tá fe̱ yir dide̱ng.

2 aTimoti 3:8

Áner'e se kyo̱ndi aZhenis be aZhabanis A tá shishim aMusa, anong ne áner'ong raba katsak gip, kuto̱ro̱ng ba wei cei ne kuno̱o̱k katsak ba te kukpe̱de̱ng'e.

Itomong Ámanzo 13:8

Amma aLimas a tá nye aner a ta nye ike̱re̱ azhing (aLimas'ong nye aner a ta nye ike̱re̱ azhing nirem aner aHeleni) fe̱ nyinye̱m be kube̱ aBarnabas ne Ashawulu. A tse̱r a tá roon agwo̱m'me ku nino̱o̱k katsak rife̱ aYeso.

Itomong Ámanzo 5:40

Ike̱ng iya aGamaliya tá fe̱'ong no̱ kaye̱e̱r aye̱ ba, ayong á shim rife̱ wu. Ayong a yis ámanzo'me kaye̱e̱r'e, a tá sak a tá ka whereng ba, nong á ta fe̱ be ba ye á tu ba fe̱ ike̱ng ikak kaye̱e̱r riyerek aYeso ko cie̱k baꞌ. Ne á ku won ba á tá tseng.

Itomong Ámanzo 5:28

“Yir fe̱ yir be yin ye, sang tu bo̱so̱p yin ánerawe'me kaye̱e̱r riyerek na baꞌ, gip be anong, yin n no̱ yin koake̱ kaye̱e̱r aUshalima ne i bo̱so̱p yin ánerawe'me. Yin shim tin tomong yir rine̱n aner na ye naso̱k wu se nubo̱k yir.”

aYohana 9:34

Ba fe̱ be wu ye, “Wan afe a tá ka tes kaye̱e̱r rine̱n, ne wan bun i di ye wan tin bo̱so̱p yir a?” Ayong á tú ku tun.

aYohana 9:24

Á bun á yis aner a tá tsang a nye akpato̱o̱n ame ife afa gbak nong á tá fe̱ be wu ye, “Fok inyim Adakunom wan, nong ta fe̱ katsak. Amma yir, yir ren yir aner nye aner rine̱n.”

aYohana 9:22

Átek'e fe̱ anong kamok á fok inyim áner aYahuda'me, kamok áner aYahuda tsang á sak ye aner aya ne a fe̱ ye aYeso nye aKiristi, á tú ku tun kaye̱e̱r atu aduwa ba.

aMatiyu 23:25

“Awo̱ be yin áner i ta bo̱so̱p ánerawe'me Itsi ne áner aFarisi, yin ákardak áner, yin kusu yin ares kuya naya ne kufe kuso̱ ashi nama'me tsek, amma kaye̱e̱r'e nye ike̱re̱ rigup be kushim rice kuse.

aMatiyu 3:7

Nizen wu tá di áner aFarisi be áner aSadusi whe̱re̱ tá be̱s naro̱ wu tá se be kunye abatisma'me, a fe̱ be ba ye, “Yin naban áfomong, angan tá tak yin ye, i ru ku teng yin amok Adakunom a tà saase e̱?

aMatiyu 23:16

“Awo̱ be yin ákpato̱o̱n, áya a ta kok ánerawe kuse̱. Yin fe̱ yin ye, ‘Koangan ne a shu be agbang kutu kuya Adakunom iben, i daam baꞌ. Amma aner aya ne a shu be izinariya iya i ta se kaye̱e̱r agbang kutu kuya Adakunom iben'e, kushu'me tù ku ya.’