aMatiyu 23:12 - Izere New Testament

¹² Koangan afe a ta sok rice naza, a tà te be wu fe̱re̱. Amma aner aya ne a ta mees rice wu a tù ku tiyiik.

aMatiyu 23:12 Referans Kwoze

1 aBitrus 5:5

Anong ne yin ácam gip, kuus yin ike̱ng iya ako̱k kasho̱o̱n ikilisiya yin ta ka tak yin. Cice̱r yin, mees yin rice nong ta naka nye yin itomong kamok i se ni izibir ye, “Adakunom rawu áya a ta kok rice naza, amma a nyesek áya a ta mees rice ritek wu.”

aYakub 4:6

Amma a ti barang ku ni nye yir ritek, kamok anong ne rife̱ Adakunom fe̱ ye, “Adakunom shim afe kuka baꞌ, amma a nye afe a ta mees rice ba ritek.”

aLuka 14:11

Kamok koangan ne a mees rice wu a tú ku tiyiik, aner aya ne a sok rice naza a tà te be wu fe̱re̱.”

aLuka 18:14

“Ne aYeso fe̱ be ba ye, mi tà ka tak yin afe ku shashang itso̱m iben'ong tú bun kari an te zhe̱l nasho̱o̱n Adakunom, Sang aner aFarisi ame baꞌ. Koangan ne a tiyiik rice wu a ta te be wu fe̱re̱, aner aya a tá mees rice wu a tu ku tiyiik.”

aMatiyu 18:4

Koangan afe a ta sok rice wu kyo̱ndi igon na, wu ne a nar yiik kaye̱e̱r rigwo̱m kaza.

aMatiyu 5:3

“Áner riye̱ rikan ne á nye aner aya a ta ren kuraar ba kaye̱e̱r kabik, kamok rigwo̱m kaza nye rifuba.

1 aBitrus 5:6

Kamok anong, mees yin rice nubo̱k Adakunom ayiik'e nong a ta ka tiyiik yin nizen iya a ta shim.