aMatiyu 22:8 - Izere New Testament

⁸ “Ne a fe̱ be ásam wu ye, ‘An gang kunye kanye̱k riye̱ rikan kuwe̱ne̱ng'e, amma áner mi tú ku yis'e kyem a be̱s baꞌ.

aMatiyu 22:8 Referans Kwoze

Ike̱ng a ta tonong aYohana 3:4

Amma gip be anong, yin be yin ánerawe cie̱k kaye̱e̱r yin na aSardis áya a tan riir ares ba be rine̱n baꞌ. Á ta te ares akan nong á ta tseng mak be mi kamok ba kyem á ta tseng mak be mi.

2 aTasalonika 1:5

Ike̱re̱ na cice̱r tonong ye amok Adakunom se gye̱r ne i bun tonong ye yin kyem tà sor yin kaye̱e̱r rigwo̱m Adakunom rife yin ta sen ni so̱ yin risam kamok'e.

Itomong Ámanzo 13:46

Iyong aBulus be aBarnabas fe̱ be ba be riye̱ rizining ye, “Gye̱r ke yir san ku ka taas yin rife̱ Adakunom nizham. Kum yin ta gaar yin i ta tonong yin kaye̱e̱r kuse yin ye yin raar yin tana se̱ yin kutser kufe izen izen, iyong ne i sak ta ka won yin i ta kirik nufe áner aya a ta nye áner aYahuda baꞌ.

Ike̱ng a ta tonong aYohana 22:14

“Aner riye̱ rikan ne a nye áner aya a tan kusu akpiin ba nong ase̱ á ta se̱ iren kuya kutse kakon kutser, ne á kuus kanukutu nong á ta no̱ kaye̱e̱r kuwo̱p'e.

aLuka 21:36

Sor yin be kanye̱k koakye izen, ne i nye yin aduwa nong tà wher yin ike̱re̱ i tana nye, nong ta kyem i nyeseng yin nasho̱o̱n Igon Anerawe.”

aLuka 20:35

Amma áfe Adakunom ta di ye á kyem kuno̱ naza nizen kudorok ikom, a ta ba nye iwe̱ne̱ng ka a ta no̱o̱k akak nuwe̱ne̱ng baꞌ.

aMatiyu 9:15

aYeso fe̱ be ba ye, “Áferime̱ aner aya a ta sok abining afas ta nye riye̱ riwe kum ne ba rusek be aner aya a tá nye kuwe̱ne̱ng'e a? Izen saase ife á tana sok aner a tana ku rosom kuwe̱ne̱ng'e nasho̱o̱n ba, nizen iyong ne ba ta nye azumi.

aMatiyu 22:7

Riye̱ agwo̱m'me beseng dide̱ng. Ayong a tom ásozha wu nong á ta se fe̱s áner á ta fe̱s ásam wu ame ne á shosh kuwo̱p'e.

aMatiyu 22:9

Kamok anong, tseng yin ni nanu íren ta se yis yin koangan afe yin tu ku se̱ yin ye, a ra be̱.’