aMatiyu 22:44 - Izere New Testament

⁴⁴ “ ‘Agwo̱m Ágwo̱m fe̱ be Agwo̱m Ágwo̱m mi ye, “Sonong nabas kubo̱k riya mi, ma izen iya mi sak ámudo̱n wan kpa natak wan.” ’

aMatiyu 22:44 Referans Kwoze

Ibrani 1:13

Ámaleka anyaka ne Adakunom kun fe̱ be wu ye, “Sonong nubo̱k riya mi, ma mi sak ámudo̱n wan te ike̱ng kusak atak wan e̱?”

1 aKoranti 15:25

aKiristi ta nye rigwo̱m, ma a te amudo̱n wu kaben.

Ibrani 1:3

Igon'e ne ka nye akanang kuyiik Adakunom, a tas Adakunom kyo̱o̱n. A yiir koakye ike̱ng be kukyem rife̱ wu. Nama a tá sak yir ta te yir zhe̱l kaye̱e̱r rine̱n yir, yong a sonong nubo̱k riya Aya a ta nye a yiik'e kaye̱e̱r kaza.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

Ike̱ng a ta tonong aYohana 19:19

Iyong mi di kukewum ame be ágwo̱m kazatse ne ásozha ba tá nyim nong á tá ko̱n be aner aya a ta se natoon itsaap ikan ame be ásozha afu.

aFilipi 3:8

Akye̱ nar anong'e, mi sok koakye kyo̱ndi ike̱ng ikak baꞌ ke mi ti maas be kuren aYeso Kiristi a ta te Agwo̱m Ágwo̱m mi. Mi nyosong ike̱re̱'ong cei kamok wu. Mi sok cei kyo̱ndi awha nong ta se̱ aKiristi,

1 aKoranti 1:2

Yin áfikuus Adakunom i ta se yin na aKoranti áya a tá te ázhe̱l'e, áya a tá ka yis ba nong á tà sor zhe̱l kaye̱e̱r aYeso aKiristi, mak be áner aya a ta se koake̱, á ta yis riyerek Agwo̱m Ágwo̱m yir aYeso Kiristi, a ta nye Agwo̱m Ágwo̱m ba, ne a nye Agwo̱m Ágwo̱m yir cice̱r.

aYohana 20:28

Ayong aToma fe̱ be wu ye, “Kak, Agwo̱m Ágwo̱m mi be Adakunom mi!”

aLuka 19:27

Be̱e̱n yin be ámudo̱n'i áfe a tá shim mi tin nye rigwo̱m niba baꞌ, nong tu ku fe̱s yin ba aze nasho̱o̱n'i.’ ”

aMatiyu 22:45

“Ke aDauda tú ku yis aKiristi ye, ‘Agwo̱m Ágwo̱m,’ to̱, a nye ane̱ aKiristi'me tá bun a te igon wu e̱?”

aMatiyu 26:64

aYeso fe̱ be wu ye, “Ei, i se kyo̱ndi wan tá fe̱'ong. Amma mi fe̱ be yin ye, nasho̱o̱n yin tà di yin Igon Anerawe nusonong nubo̱k riya Atek kukyem, ne i ku di yin a ta saase kaye̱e̱r ane̱n.”

aMarkus 16:19

Nama aYeso tá fe̱ anong be ba, a tú sok a tá tseng'e kaye̱e̱r kaza nong a ta se sonong nubo̱k riya Adakunom.