aMatiyu 22:42 - Izere New Testament

⁴² “Kuto̱ro̱ng yin se ane̱ natoon aKiristi'me e̱? A nye Igon angan e̱?” Iyong ba fe̱ be wu ye, “A nye Igon aDauda.”

aMatiyu 22:42 Referans Kwoze

aKolosi 3:11

Kamok anong sang tu ye̱re̱k yin ye áner aYahuda se ze̱e̱r be áner aya sang á ta won dar á nye áner aYahuda baꞌ. Áya a tá mu ku nye ba izhak ka áya a tá won dar a ka nye ba izhak baꞌ. Aner aya a ta nye kye̱re̱ se ze̱e̱r be aner aya a ta won dar a karak rice baꞌ. Asam se ze̱e̱r be igon kari baꞌ, kamok aKiristi ne a nye koakye ne a se kaye̱e̱r koakye.

aMatiyu 1:1

Izibir natoon izo̱ro̱k iya aYeso Kiristi Igon aDauda tú ku wuruk, kaye̱e̱r kasa Ibrahim.

aYohana 20:28

Ayong aToma fe̱ be wu ye, “Kak, Agwo̱m Ágwo̱m mi be Adakunom mi!”

aYohana 1:49

Iyong aNataniyel fe̱ ye, “Aner kubo̱so̱p, wan ne i nye Igon Adakunom; wan ne i nye agwo̱m Isarela.”

aMatiyu 21:9

Rigwo̱m ánerawe á ta se nasho̱o̱n aYeso'me áfe a tu ku kuus nama tang kuto̱ naza ye, “Nakerek nye nafe Igon aDauda! Aner riye̱ rikan ne a nye afe a ta be̱ kaye̱e̱r riyerek Agwo̱m Ágwo̱m! Nakerek nye nafe aya a ta se naza!”

aMatiyu 14:33

Áya a ta se kaye̱e̱r kukpara ashi'me tú ya iben ne á fe̱ be wu ye, “Katsak'e, wan nye Igon Adakunom.”

aMatiyu 9:27

aYeso tá fa won azong, iyong ákpato̱o̱n afa san ku kukuus ne á tang kuto̱ ne á ku yis ye, “Igon aDauda, ro̱ riye̱ yir!”

aMatiyu 22:43

Ayong aYeso fe̱ be ba ye, “To̱, akye̱ sak aDauda, Kabik Kazhe̱l'e ta se be wu, tú ku yis ye ‘Agwo̱m Ágwo̱m e̱,’ kamok aDauda fe̱ ye,