aMatiyu 22:29 - Izere New Testament

²⁹ aYeso fe̱ be ba ye, “Kuto̱ro̱ng yin se gye̱r baꞌ, kamok yin ren yin rife̱ Adakunom ka kukyem wu baꞌ.

aMatiyu 22:29 Referans Kwoze

aYohana 20:9

(Gip be anong, ko ba ren ike̱ng iya Kufumung rife̱ Adakunom tá fe̱ ye, aYeso tá bun a dorok nure̱k dim, tá sor baꞌ.)

aRom 15:4

Koakye ike̱ng iya a tá zibir gbugbang, a zibir nong a tin bo̱so̱p yir'e, nong ase̱ rife̱ Adakunom tin bo̱so̱p yir kutsesek nong ta se̱ yir ike̱ng tanin te yir riye̱.

aLuka 1:37

Kamok ike̱ng ikak nar agap Adakunom baꞌ.”

aFilipi 3:21

Wu ne a be kukyem a tanin nye rigwo̱m natoon koakye. Be kukyem wu'me ne a tin shishing kuraar yir nuro̱m nong ku tà te yiik kyo̱ndi kufu.

Itomong Ámanzo 26:8

Akye̱ sak yin di yin ye Adakunom ta kyem a sak áfe a tan kus ta dorok baꞌ e̱?

aMatiyu 22:28

To̱, katuk kudorok ikom, akumung'e tà nye afe angan kaye̱e̱r áner kanataar'ong e̱? Kamok cice̱r ba'ong á tsang á nye kuwe̱ne̱ng wu.”

aMarkus 12:24

Ayong aYeso fe̱ be ba ye, “Kuto̱ro̱ng yin se gye̱r baꞌ, kamok yin ren yin ike̱ng iya rife̱ Adakunom ta fe̱ ka kukyem Adakunom baꞌ.

1 aKoranti 15:34

Kubun yin kaye̱e̱r kuto̱ro̱ng yin kutek, won yin kunye rine̱n. Ákak yin ren Adakunom baꞌ. Mi fe̱ iyu nikum tà fok yin isum.