aMatiyu 22:24 - Izere New Testament

²⁴ “Aner kubo̱so̱p, aMusa fe̱ ye, ‘Ke anerawe ku a won akumung, aronyining ta kyem a sok akumung'e nong a tu ku tes mo inoon.’

aMatiyu 22:24 Referans Kwoze

aLuka 20:28

“Aner Kubo̱so̱p, aMusa ti zibir yir'e ye, ke anerawe ku a tá won abining dar inoon, aronyining ra sok akumung'e, nong ase̱ a tu ku tes mo inoon.

aMarkus 12:19

“Aner Kubo̱so̱p, aMusa ti zibir yir'e ye, ke aronyining aner ku a tá won abining dar igon, aronyining akak ta sok akumung'e, nong ase̱ a tú ku tes mo igon.

aLuka 6:46

“Akye̱ sak yin ti yis yin ye, ‘Agwo̱m, Agwo̱m,’ ka i ra nye yin ike̱ng iya mi tá fe̱ baꞌ e̱?

aMatiyu 22:36

“Aner kubo̱so̱p, Itsi inyaka ne i nar'e be kuyiik'e e̱?”

aMatiyu 22:16

Iyong á tom álimazhiri ba ákak ne áner aHiridus ákak nong á tá fe̱ be ye, “Aner kubo̱so̱p, yir ren yir ye, wan nye aner katsak, wan bo̱so̱p ánerawe katsak natoon Adakunom, ánerawe se kuri kuzining nufuan sang wan kasa ka angan nye angan'e baꞌ.

aMatiyu 7:21

“Sang koangan afe a tin yis ye, ‘Agwo̱m Ágwo̱m’ ne a tà no̱ kaye̱e̱r kaza baꞌ, ma ke aya a tá nye ike̱ng iya Ada mi aya a ta se kaye̱e̱r kaza ta shim.

aMatiyu 22:25

To̱, áner ákak kuse kaye̱e̱r yir ba kanataar áner be aronyining. Afe ime̱se̱ng nye kuwe̱ne̱ng, a ku dar kutes a won aronyining akumung'e.

aLuka 20:33

To̱, ayong nizen kudorok ikom, abining'e tà nye afe angan kaye̱e̱r áner kanataar'ong á tá tsang á nye kuwe̱ne̱ng be wu e̱?”