aMatiyu 22:16 - Izere New Testament

¹⁶ Iyong á tom álimazhiri ba ákak ne áner aHiridus ákak nong á tá fe̱ be ye, “Aner kubo̱so̱p, yir ren yir ye, wan nye aner katsak, wan bo̱so̱p ánerawe katsak natoon Adakunom, ánerawe se kuri kuzining nufuan sang wan kasa ka angan nye angan'e baꞌ.

aMatiyu 22:16 Referans Kwoze

aMarkus 3:6

Áner aFarisi tá fa di anong ayong á wuruk nufang nong á ta se nye ibo̱ro̱ng mak be áner aHiridus nong a tá fe̱r aYeso.

aLuka 20:21

Áner á tú ku tom ba ame fe̱ be aYeso ye, “Aner Kubo̱so̱p, yir ren yir ye wan fe̱ ne i bo̱so̱p ánerawe katsak, wan tonong kushim rice baꞌ, ne i bo̱so̱p ánerawe iren Adakunom kaye̱e̱r katsak.

aMarkus 12:14

Á tá be̱ nufu ne á fe̱ ye, “Aner kubo̱so̱p, yir ren yir ye, wan nye aner katsak. Ánerawe kyem a ka kirik baꞌ. Wan ye̱re̱k ánerawe kuri kuzining, amma wan bo̱so̱p iren Adakunom be katsak tsek. I se gye̱r yir ta karang yir aKaisar itso̱m iben aꞌa?

aMarkus 8:15

aYeso tu ko̱ro̱k ba kuto ye, “Nye yin tatan be ayisti áner aFarisi ne aHiridus.”

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

aYohana 18:37

Amma aBilatus fe̱ ye, “Aser, wan nye agwo̱m a?” aYeso fe̱ ye, “Wan ne wan fe̱ be kanu wan ye mi nye agwo̱m. Ike̱ng iya i tá sak a tin tes'ong, nong ta taas katsak'e. Koangan a ta nye afe katsak, shim kufoos kuto̱ mi.”

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

aYohana 7:18

Aner aya a ta fe̱ natoon rice wu fe̱ nong a tà tiyiik rice wu. Amma aya a ta shim a ta tiyiik aya a tú ku tom, ayong ne a nye afe katsak, a be abo̱o̱s baꞌ.

aYakub 3:17

Amma kukyem ku ta ne naza, nime̱se̱ng'e cice̱r se jel ne kushim kutek be kuto akak, ne kumees rice, be kuro̱ riye̱ kunye kutek kufe katsak dar kushim rice.

1 aTasalonika 2:4

Yir ban i fe̱ yir kyo̱ndi áner aya Adakunom tá kasa ingya nong a tin no̱o̱k yir itomong kunye awazi Rife̱ Ritek wu. Sang yir fe̱ yir nong tà kare̱p yir ánerawe riye̱ baꞌ amma Adakunom aya a tá ren kuto̱ro̱ng yir.

aGalati 2:6

Amma áya a tá nye áko̱k kasho̱o̱n'e ti barang ike̱ng ikak natoon Rife̱ Ritek mi tá ka taas ba baꞌ, mi fe̱ anong kamok mi daam be kuyiik akak baꞌ, Adakunom daam ye ka wan nye angan'e baꞌ.

aGalati 1:10

To̱, yong yin di yin ye, mi shim ánerawe tin kerek ka Adakunom e̱? Ka yin di yin ye, mi shim ta kare̱p ánerawe riye̱ a? Ke i fa nye ye mi ru shim ta kare̱p ánerawe riye̱, ke mi ba nye asam aKiristi baꞌ.

2 aKoranti 5:16

Kamok anong, yir baꞌ, sen ye̱re̱k yir akak be kuse rinerawe baꞌ. Gip be i ta tsang i ye̱re̱k yir aKiristi anong, i ba ru ku ye̱re̱k yir anong baꞌ.

2 aKoranti 4:2

Yir ban i ra yir ike̱re̱ a ta tsang a nye nune̱re̱ng ife isum ingya. Ike̱ng ikak ti gung yir be abo̱o̱s ka ta wo̱ro̱k yir ánerawe be rife̱ Adakunom baꞌ. Amma yir ban i taas yir katsak, be anong koangan ta fe̱ itak yir nasho̱o̱n Adakunom kaye̱e̱r riye̱ wu.

2 aKoranti 2:17

Yir se yir kyo̱ndi whe̱re̱ áya a tan sok rife̱ Adakunom nong á tin tse̱r naya ba baꞌ. Yir fe̱ yir kanu kaye̱e̱r aKiristi nasho̱o̱n Adakunom be riye̱ rizining kyo̱ndi áner Adakunom ta ka tom ba.

aLuka 7:40

Ayong aYeso fe̱ be wu ye, “aSiman, mi be ike̱ng ikak ta ka tak.” Ne a fe̱ ye, “Aner Kubo̱so̱p, Ni tak.”

aMarkus 10:17

aYeso tá se be kutseng kutsang wu, yong aner akak tsang a teng nong a tá be̱ a tigbok akuur nasho̱o̱n wu nong a tá fe̱ be aYeso'me ye, “Aner Kubo̱so̱p atek, akye̱ ne mi ta nye nong ta se̱ kutser kufe izen izen e̱?”

aMatiyu 26:49

Be kube̱ aYahuza ne wor a wesek cop nufe aYeso a tá fe̱ ye, “Dazha, Aner Kubo̱so̱p,” ne a ku kunung.

aMatiyu 26:18

Ne aYeso fe̱ be ba ye, “Tseng yin kaye̱e̱r kuwo̱p, yin ta se̱ yin aner akak, fe̱ yin be wu ye aner kubo̱so̱p fe̱ ye izen wu m be̱ bubarak. Wu shim a ta ya naya aPasova'me wu mak be álimazhiri wu kari wan.”

aMatiyu 22:26

Anong ne i bun ise be afe afa, be afe ataar ma i be̱ natoon afe kanataar'e.

aMatiyu 22:24

“Aner kubo̱so̱p, aMusa fe̱ ye, ‘Ke anerawe ku a won akumung, aronyining ta kyem a sok akumung'e nong a tu ku tes mo inoon.’

aMarkus 12:13

Kamok anong, á bun á tom ba áner aFarisi ákak ne áner aHiridus nufe aYeso nong á su ku yiir natoon ike̱ng iya wu tá fe̱.