aMatiyu 22:13 - Izere New Testament

¹³ “Ayong agwo̱m'me fe̱ be ásam wu'me ye, ‘Rosom yin ibo̱k'e be atak'e nong tu ku barak yin nufang na awhi. Azong ne a tà tos ne a ya anyi.’

aMatiyu 22:13 Referans Kwoze

aMatiyu 8:12

Amma á tà barak áya a ta tas ke ba ne a nye áfe Adakunom, amma á ra gaar kaye̱e̱r amaan awhi, naro̱ á tana tos ne á ya anyi.”

aMatiyu 25:30

Tun yin akpe̱de̱ng aner na nufang, ta barak yin kaye̱e̱r awhi, azong ne a tà tos ne a ya anyi.’

2 aBitrus 2:17

Áner kubo̱so̱p afe abo̱o̱s na se kyo̱ndi ribong riya sang ri ta be ashi baꞌ, ne a se kyo̱ndi ane̱n kuwun ta fe̱se̱m. Adakunom n nye karo̱ ka ta be amaan awhi kamok ba.

2 aBitrus 2:4

Ko ámaleka agbugbang, nizen á tá nye rine̱n, Adakunom tá won ba kyo̱o̱n baꞌ, a tú ku barak ba kaye̱e̱r ribong kuro̱ng. A tú rosom ba kaye̱e̱r ibong i tá se tsik ne i se whi. Á ta tor kunom amok.

2 aTasalonika 1:9

Á tù ku te̱n ba amok riku rife izen izen, á tù ku ro ba nasho̱o̱n Agwo̱m Ágwo̱m'me ne nasho̱o̱n kukyem kuyiik wu.

aLuka 13:28

“Yin tà di yin Ibrahim be Ishaku ne aYakub be áner kuzarap Adakunom cei kaye̱e̱r rigwo̱m Adakunom, amma ka tà kyem i no̱ yin baꞌ. Azong ne á tana tos, ne á ya anyi.

aMatiyu 24:51

Atekasa'me tu ku yiir ne a ku tsor ma kuro̱m ta tasak, a tu ku gung mak be ákardak áner, kaye̱e̱r karo̱ a tana tos ne á ya anyi.

aMatiyu 13:50

Ne á barak ámaan'e kaye̱e̱r kuro̱ng kufe izen izen á ta tos ne a ya anyi azong.”

aMatiyu 13:42

Ne á ku barak ba kaye̱e̱r kuro̱ng kufe izen izen, á ta tos ne á ya anyi azong.

Ike̱ng a ta tonong aYohana 21:27

Amma ike̱re̱ iya ita se zhe̱l baꞌ, tà no̱ kaye̱e̱r kuwo̱p'e baꞌ. Áfe a tá nye ike̱re̱ isum be áfe a tá wo̱ro̱k ánerawe sen no̱ kaye̱e̱r kuwo̱p'e baꞌ. Awan áya a tá zibir ayerek ba nufumung kutser Aturuk'e ne á tà no̱ kaye̱e̱r tse̱k.

aZhud 1:13

Á se kyo̱ndi ashi ta tang agung kaye̱e̱r agbang kudung be kuren ne a turung afufuk. A se kyo̱ndi ádar áya a ta tsang á kar kpe̱de̱ng. An sak amaan awhi kamok ba ma izen izen.

aZhud 1:6

Bun i yiring yin be ámaleka áya sang á tá kuus itsik rigwo̱m baꞌ, amma á won itsik ba ife ime̱se̱ng'e. Kuri ayong Adakunom ma ka te̱ne̱ng ba kaye̱e̱r awhi nong a tú ku rosom ba be idun atso̱m ife ma izen izen nong a tú ku to̱ ba amok katuk Agbang Kunom'e.

Itomong Ámanzo 7:54

Ayong ba tá fa fok anong ne aye̱ ba fuus ma á ro̱s ibo̱k.

aMatiyu 13:30

Ka won yin ba cice̱r nong a ta rasak mak ma nizen ishamang'e. Nizen iyong ne mi tà fe̱ be áfe kutse̱k'e ye, Tusung yin agam'me ta rosom yin na agwo̱m nong tin te yin kuro̱ng; ne i tusung yin alikama'me ta be̱ tin korok yin'e ni ingme̱.’ ”

aMatiyu 12:29

“A ta kyem a no̱ nasa aner agap nong a ta kop ike̱re̱ wu baꞌ, ma ke a tu rosom, a ta ra kok ike̱re̱ wu'me.

Itomong Ámanzo 21:11

A tá fa be̱ nufe yir ne a sok kudun aBulus tin rosom kutin wu a tin rosom ibo̱k be atak wu a tá fe̱ ye, “Kabik Kazhe̱l'e fe̱ ye ana ne áner aYahuda a ta se na aUshalima tà rosom atek kudun na, ne á no̱o̱k áner aya a ta nye áner aYahuda baꞌ.”

aYohana 21:18

Katsak'e ne mi tá ka tak, nizen iya wan tá ruresek acam, wan kyem i te rice wan ares ne i tseng koake̱ wan tá shim, amma izen iya ne wan kop, wan ta nabak ibo̱k nong akak ta ka te ares, ne a tseng be wan naro̱ kaya wan ta shim ta tseng baꞌ.”