aMatiyu 21:43 - Izere New Testament

⁴³ “Kamok anong, won ta ka tak yin, a tin shan rigwo̱m Adakunom nufe yin nong a tà no̱o̱k áya a tana nye kunye kutek.

aMatiyu 21:43 Referans Kwoze

aMatiyu 21:41

Ne ba fe̱ be aYeso ye, “A tà fe̱s ámaan aner'ong ne a no̱o̱k ákak itomong'e, áya a tana ku no̱o̱k kanu kafu nizen ishamang.”

1 aBitrus 2:9

Amma yin, yin nye yin kuri kuya Adakunom tá kasa, be rice wu. Yin nye yin atsi Adakunom a ta nye Agwo̱m, yin nye yin ánerawe áya a ta nye azhe̱l'e, ánerawe áya a ta nye afu. A tá ka yis yin kaye̱e̱r awhi nong tà no̱ yin kaye̱e̱r akanang afe katsak nong tà taas yin ayiik itomong wu ife azhing.

aYohana 3:3

Ayong aYeso fe̱ be wu ye, “Katsak'e ne mi ta ka tak, akak kusa a ta kyem a no̱ kaye̱e̱r rigwo̱m Adakunom baꞌ, sang ke a bun a tu ku tes kutes dim ba'.”

aYohana 3:5

aYeso fe̱ be wu ye, “Katsak'e ne mi ta ka tak, sang ke a bun a tes anerawe be ashi ne Kabik baꞌ, a ta kyem a no̱ kaye̱e̱r rigwo̱m Adakunom baꞌ.

1 aKoranti 13:2

Ko mi fa nye kuzarap, ne i ren koakye ike̱ng iya i ta se nune̱re̱ng, ne i be kukyem kuren koakye ike̱ng, ne ko mi fa be kuno̱o̱k katsak dide̱ng ma i kyem i fe̱ be rifan ye tseng aza ne ri tseng, amma sang ke mi ra be kushim baꞌ, to̱, i nye ye mi nye ike̱ng ikak baꞌ.

aMatiyu 12:28

Ke i nye mi turung be Kabik Adakunom, to̱, i nye ye, rigwo̱m Adakunom m be̱ nufe yin.

aMatiyu 21:42

aYeso fe̱ be ba ye, “Aser, yin fa yin kaye̱e̱r rife̱ Adakunom aꞌa? “ ‘Kuta kuya áfe rino̱k tá raba kuyong ne ku te itsik ribor'e. Adakunom ne a nye anong. Iyu nye ike̱ng azhing nufe yir.’

aMatiyu 21:44

Aner aya ne a tikpa natoon kuta na, a tà te ikpis'e, aya ne kuta'me tikpa ni wu ku tù ku me̱re̱sh.”