aMatiyu 21:41 - Izere New Testament

⁴¹ Ne ba fe̱ be aYeso ye, “A tà fe̱s ámaan aner'ong ne a no̱o̱k ákak itomong'e, áya a tana ku no̱o̱k kanu kafu nizen ishamang.”

aMatiyu 21:41 Referans Kwoze

Itomong Ámanzo 18:6

Amma nizen iya áner aYahuda tá gaar rife̱ aBulus ma á kpaan ku kukas. Kamok anong aBulus waar ares wu, a tá fe̱ be ba ye, “Rine̱n yin se rice yin. Mi be rine̱n akak rice mi ba'. Igang'e be katuur mi ba sen tseng nufe áya a ta nye áner aYahuda baꞌ.”

aMatiyu 21:43

“Kamok anong, won ta ka tak yin, a tin shan rigwo̱m Adakunom nufe yin nong a tà no̱o̱k áya a tana nye kunye kutek.

Itomong Ámanzo 28:28

“Kamok anong, mi shim yin tú ren yin ye Adakunom n tom itak kashesh wu nufe áner aya a ta nye áner aYahuda baꞌ. Ba tà wesek kuto.”

Ibrani 12:25

Sak yin riye̱, tu rayin aner a ta fe̱ rife̱ na baꞌ. Ke á kyem á wher nizen ba tá raba aner aya a tá ka tigba ba nazatse baꞌ, yir ta nye yir ane̱ ta wher yir ke yir ti nang yir kama ni wu afe a tin tigba yir naza e̱?

Ibrani 2:3

yir tà nye yir ane̱ ta wher yir ke yir gaar yir kushan agbang kashesh kuri kuyu e̱? Agwo̱m Ágwo̱m yir be rice wu ne a taas itak kashesh na ni ime̱se̱ng'e. Áner áya a tú ku fok ti tonong yir ye i se anong be katsak.

1 aTasalonika 2:16

A ti roon yir kutaas ánerawe áya a ta nye áner aYahuda baꞌ rife̱ Agwo̱m Ágwo̱m yir nong fan á bu se̱ kashesh. Be kunye anong ne ba ti barang kutusung rine̱n ba, amma kyo̱o̱rna riye̱ kubeseng Adakunom n min tiik natoon ba.

Itomong Ámanzo 28:8

Atek aPubiliyus'e nye atser baꞌ, a se nameneng be kuro̱m kuzhosh ne atini. Ayong aBulus no̱ kaye̱e̱r'e a tá su ku nye aduwa a tin sak kubo̱k ritek natoon wu ne a ku sak a tá te atser.

Itomong Ámanzo 15:7

Nama á tá naka ko̱k dide̱ng ne aBitrus dorok a nyeseng nong a tá fe̱ be ba ye, “Ároneng, yin ren yin ye Adakunom ti kasa kaye̱e̱r yin gbugbang nong ta taas áner aya sang a ta nye áner aYahuda baꞌ awazi nong á tin no̱o̱k katsak.

aMatiyu 3:12

Kube wu se nubo̱k wu. A tà tas áwhe̱'me ne a korok iwe̱ng'e kaye̱e̱r ingme̱ ne a shosh awhe̱'me be kuro̱ng kuya sang ku tana ku baꞌ.”

aMatiyu 21:34

Nizen iya ishamang tá nye, a tom ásam ákak ye á ra ku shan kanu kafu nufe áner ame.

aMatiyu 21:40

“Kamok anong, izen iya ne atek riko̱'me be̱, a ta nye ane̱ be áfe a ta ko̱bo̱k riko̱'me e̱?”

aLuka 20:16

“A tà tseng nong a tà se fe̱s áner wu tú ku no̱o̱k ba aro riko̱'me, ne a won riko̱'me nubo̱k áner ákak ze̱e̱r.” Ánerawe'me tá fa fok anong ne á fe̱ ye, “Adakunom ra roon'e!”