aMatiyu 21:37 - Izere New Testament

³⁷ Ni igang'e makong, a tom igon wu nufu ba ne a to̱ riye̱ wu ye, ‘Á ta te yiik igon'i.’

aMatiyu 21:37 Referans Kwoze

aYohana 3:16

“Kamok kushim afe Adakunom ta shim kazatse dide̱ng, ma a no̱o̱k asuze̱r Igon wu, kamok koangan afe a tin no̱o̱k katsak ni wu, tà wei baꞌ, amma a ta se̱ kutser kufe izen izen.

aYohana 1:34

Mi di anong, kamok anong mi ta kyem i fe̱ koakye natoon wu ye, wu ne a nye Igon Adakunom.”

aLuka 20:13

“Atek riko̱'me bun a fe̱ ye, ‘Mi tà nye ane̱ e̱? Mi tà tom igon riye̱ mi, kashim á tu ku fok.’

aMarkus 12:6

“Gip be anong, a tú won aner azining wu tana tom, aner'e nye igon'i, kaya mi ta shim. Ni igang'e, a tú tom nufuba ye, ‘Ei, á ta sok igon'i yiik.’

aMatiyu 3:17

Ne kuto̱ kukak wuruk naza ye, “Wan ne inye Igon'i kaya mi ta shim. Mi fok kusas wu dide̱ng.”

aYohana 1:18

Aner akak kun di Adakunom baꞌ. Amma asuze̱r ke Igon wu tsek, aya a ta se rifam Atek wu, ne a sak yir tú ku ren yir.

aMatiyu 21:36

Ayong a bun a tom ásam ákak gbak, áya a ta nar áfe ime̱se̱ng nufu ba, ne áfe itomong'e bun á nye be ayong kyo̱ndi á tá nye be áfe ime̱se̱ng ame.

aMatiyu 21:38

“Amma áfe a tá ko̱bo̱k riko̱ ame tá fa di igon'e, á nye ibo̱ro̱ng ye, ‘Ayu ne a nye aya kutse wu, i ku fe̱r yir nong ta ya yir kutse'me.’