aMatiyu 21:31 - Izere New Testament

³¹ “To̱, kaye̱e̱r ba afa'ong angan ne a nye ike̱ng ada ba tá shim e̱?” Iyong á fe̱ ye, “Kafe ime̱se̱ng'e.” aYeso fe̱ be ba ye, “Katsak'e ne mi ta ka tak yin, áfe kushashang itso̱m iben ne ínyak agwo̱m ta ka tsang yin kaye̱e̱r rigwo̱m Adakunom.

aMatiyu 21:31 Referans Kwoze

aLuka 7:29

Cice̱r ánerawe'me be áfe ku shashang itso̱m iben gip tá fa fok rife̱ aYeso, ne á fe̱ ye iren Adakunom nye katsak kamok aYohana tsang á ku nye ba abatisma.

aMatiyu 7:21

“Sang koangan afe a tin yis ye, ‘Agwo̱m Ágwo̱m’ ne a tà no̱ kaye̱e̱r kaza baꞌ, ma ke aya a tá nye ike̱ng iya Ada mi aya a ta se kaye̱e̱r kaza ta shim.

2 aBitrus 3:9

Ákak di kyo̱ndi Adakunom mak a sok izen nizham a tá ra nye ike̱ng iya wu tá tsang a fe̱ ye wu tá nye. I se anong baꞌ. A be kutsesek ne kamok yin, a shim akak tu wei baꞌ amma koangan ra shishing kuse wu.

aRom 5:20

Ike̱ng i tá sak a ta nye Itsi se nong rine̱n tà wuruk kanang. Amma nizen iya ne rine̱n tin barang, ne ritek Adakunom nibarang dide̱ng,

aRom 3:19

Yir ren yir ye, koakye ike̱ng iya Itsi ta fe̱, i ti fe̱ natoon áner aya Itsi tin nye itomong natoon ba, fan ákak bu se̱ ike̱ng iya a tana fe̱, ne amok Adakunom se natoon kazatse cice̱r.

aMatiyu 20:16

“Be anong,” aYeso fe̱ ye, “Áfe igang'e tà te áfe ime̱se̱ng'e ne áfe ime̱se̱ng'e tà te áfe igang'e.”

Itomong Ámanzo 17:30

Gbugbang, Adakunom ti daam be ike̱ng iya ánerawe tá nye kaye̱e̱r kudun kuren baꞌ. Kyo̱o̱rna, Adakunom fe̱ be ánerawe koake̱ ye a ra shishing kuse ba.

aLuka 19:22

“Ayong atekasa wu ame fe̱ be wu ye, ‘Wan nye amaan asam! Mi tà ka to̱ amok be ike̱ng wan ta fe̱ be kanu wan. Aser, wan ren ye kuse mi ro̱, ne mi shim kusok ike̱ng naro̱ afe sang mi tá sak baꞌ, ne i nye ishamang naro̱ afe sang mi tá tuus baꞌ a?

aLuka 15:10

Anong ne i ta se gip, mi ta tak yin, ámaleka Adakunom tà nye riye̱ rikan ke afe rine̱n azining shishing kuse wu nong a ta shan Adakunom.”

aMatiyu 18:3

Ne a fe̱ be ba ye, “Won ta ka tak yin katsak'e, sang ke yin shishing yin kuse yin nong i tà te yin kyo̱ndi inoon nazhizhe̱k'e baꞌ, yin tà no̱ yin kaye̱e̱r rigwo̱m kaza baꞌ.

aMatiyu 12:50

Kamok koangan, afe a ta nye ike̱ng iya Ada mi afa a ta se kaye̱e̱r kaza ta shim, ne a nye ango̱ mi be áronyining'i ne ángasnyining'i.”

aMatiyu 9:9

aYeso tá ya kasho̱o̱n be kutseng ne a di afe kushashang itso̱m iben akak a tú ku yis ye aMatiyu, a se nusonong naro̱ itomong wu. aYeso fe̱ be wu ye, “Ni kuus,” iyong a dorok nong a tú ku kuus.

aMatiyu 6:5

“Izen iya ne yin tà nye yin aduwa, sang tu nye yin kyo̱ndi ákardak áner ta nye baꞌ, kamok ba shim kunye aduwa nunyeseng kaye̱e̱r atu aduwa ba ni ikim iren nong ánerawe ta ka di ba. Won ta ka tak yin katsak'e, ba n shan ishorong ba cei nakuruk.

aMatiyu 5:18

Katsak'e, ne mi ta ka tak yin, kaza be kaben tà gang, ko kaban ike̱ng ikak ihiir'e kaye̱e̱r afumung na ta wei baꞌ, ma koakye a ta fe̱ shining.

aMatiyu 5:46

Kamok ke yin shim yin áya a ta ka shim yin tsek, ishorong akye̱ ne yin ta se̱ yin nufe Adakunom e̱? Anong ne áfe kushashang itso̱m iben nye gip.

aMatiyu 21:30

“Ayong atek ame tseng nufe igon kafe afa'me a tá fe̱ ike̱ng wu tá tseng a fe̱ be igon kafe ime̱se̱ng'e. Igon'e fe̱ ye, ‘Mi tà tseng, ada,’ amma a ra tseng baꞌ.

aYohana 3:3

Ayong aYeso fe̱ be wu ye, “Katsak'e ne mi ta ka tak, akak kusa a ta kyem a no̱ kaye̱e̱r rigwo̱m Adakunom baꞌ, sang ke a bun a tu ku tes kutes dim ba'.”

aYohana 3:5

aYeso fe̱ be wu ye, “Katsak'e ne mi ta ka tak, sang ke a bun a tes anerawe be ashi ne Kabik baꞌ, a ta kyem a no̱ kaye̱e̱r rigwo̱m Adakunom baꞌ.