aMatiyu 21:3 - Izere New Testament

³ Ke akak fe̱ ike̱ng ikak be yin, ne yin fe̱ yin be wu ye, ‘Atekasa ne a tse̱r.’ A tà ka no̱o̱k yin zizirik.”

aMatiyu 21:3 Referans Kwoze

Itomong Ámanzo 17:25

Sang a tse̱r kutobok nufe anerawe baꞌ. A tse̱r ike̱ng ikak nufe anyin baꞌ kamok wu ne a no̱o̱k koangan kutser be isong ne koakye ike̱ng ánerawe ta tse̱r.

2 aKoranti 8:9

Kamok yin ren yin ritek Agwo̱m Ágwo̱m yir aYeso Kiristi, wu ta be koakye ike̱ng, gip be anong a te afe rizor kamok yin. Rizor wu sak yin te yin árum nasho̱o̱n Adakunom.

aYohana 3:35

Atek'e shim Igon wu, ayong a sak koakye nubo̱k wu.

aYohana 17:2

Kamok wan tú ku no̱o̱k rigwo̱m natoon ánerawe cei, nong a ta no̱o̱k aya wan tú ku no̱o̱k cice̱r, kutser kufe izen izen.

2 aKoranti 8:16

Mi be riye̱ rikan be Adakunom, aya a ta sak aTitus ta sok kaye̱e̱r riye̱ wu be ifeng anong a ta ka tobok yin kyo̱ndi mi.

aYakub 1:17

Koakye kuri ritek ne kuno̱o̱k kutek kuya ku ta ne naza se gye̱r nufe Ada afe a ta be akanang aya a ta be kaben, aya afe sang a ta shishing kyo̱ndi nawu ta sesek baꞌ.

aMatiyu 21:2

“Tseng yin nabuwo̱p kya kasho̱o̱n yin, yin tà di yin azhaki nurosom be igon wu azong. Bisik yin nong ta be̱ tin no̱o̱k yin.

aMatiyu 21:4

Iyu se anong, nong a ta shining ike̱ng aner kuzarap tá fe̱ ye,