aMatiyu 21:19 - Izere New Testament

¹⁹ Ayong a di ritin atafo nukim iren, ne a tseng ritin'e ko a ra se̱ agbang'e baꞌ, ma awan áfumung tsek. Ayong a fe̱ be ritin atafo'me ye, “Sang wan ta ba tes agbang nigaan'e baꞌ.” Nizen izining ritin atafo'me wor ri koor.

aMatiyu 21:19 Referans Kwoze

aTitus 1:16

Áner kuri ayong fe̱ ye ba ren Adakunom amma kunye ba tonong ye ba ren Adakunom baꞌ. Kunye ba se kye̱re̱, á shonong, á kyem á nye ike̱ng ikak itek baꞌ.

aYohana 15:6

Koangan afe sang a ta se kaye̱e̱r'e baꞌ, a se kyo̱ndi iwhang'e iya a tan barak nong i tà koor. Ánerawe tusung iri ba ne á tes nuro̱ng, a ta shosh.

aLuka 3:9

Kanu kate̱m se ritin kakon'e kyo̱o̱rna, koakye kakon ka ta tes kutes kutek baꞌ, a tà te̱me̱ng a tà te nuro̱ng.”

aYohana 15:2

Iwhang iya i ta se kaye̱e̱r'i, i tà tes baꞌ a ta te̱se̱ng. Iwhang'e iya i ta tes, ne a nye gye̱r nong i tin barang kutes dide̱ng.

aMarkus 11:14

Ayong aYeso fe̱ be ritin atafo'me ye, “Akak tà ba ya kutes wan baꞌ.” Ne álimazhiri wu fok ike̱ng iya wu tá fe̱.

Ike̱ng a ta tonong aYohana 22:11

Won wu aya a ta nye amaan ike̱re̱ tu ya kasho̱o̱n be amaan kunye wu, aner aya a ta nye ike̱re̱ isum ra ya kasho̱o̱n be kunye anong. Aner aya a ta be kuse kutek ra ya kasho̱o̱n be kuse kutek wu. Aner aya a ta sor zhe̱l ra ya kasho̱o̱n be kusor zhe̱l.”

aZhud 1:12

Áner ayong ta ka beseng yin na nyim yin nafe riye̱ rikan yin, á yas mak be yin dar isum dar inyim. A se kyo̱ndi áfe kufek áya a tin sak riye̱ natoon rice ba tsek. Á se kyo̱ndi ane̱n á ta nyim amma ke kuwun be̱ ne kushik. Ne á se kyo̱ndi nakon naya na ta tes baꞌ, ka kyo̱ndi nakon naya a tá turung ne na kus cei.

2 aTimoti 3:5

a tu ku ye̱re̱k ba kyo̱ndi á ren Adakunom, amma á raba kukyem Adakunom kuya ku ta tonong kuse kutek baꞌ. Kam be áner kuri ayong.

aMatiyu 21:20

Nizen iya álimazhiri wu tá di anong á te zhing yong á rip ye, “Akye̱ sak ritin atafo na wor ri koor nizen izining e̱?”

aMarkus 11:20

Nadiding bop, á ta se be gor ne á di ritin atafo ame tan koor ma na atsip'e.