aMatiyu 20:23 - Izere New Testament

²³ Ayong aYeso fe̱ be ba ye, “Yin ta so̱ yin gye̱r, amma kusor nubo̱k riya ka nubo̱k rimen, i nye karo̱ mi tana no̱o̱k akak baꞌ. Ada mi ne a nye karo̱ kayong kamok áya wu tá tsang a kasa.”

aMatiyu 20:23 Referans Kwoze

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

Itomong Ámanzo 12:2

aHiridus'e sak a tá fe̱r aYakub aronyining aYohana be kuwe̱n kutsor.

aMarkus 10:40

Yin ta so̱ yin gye̱r, amma kusor nabas kubo̱k riya mi ka nabas kubo̱k rimen'i, i nye karo̱ mi tana no̱o̱k akak baꞌ. Naro̱ nayong nye nafe áya a ta nye kanye̱k'e kamok ba.”

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

1 aKoranti 2:9

Kyo̱ndi i ta se ni izibir ye, “Akak kun di baꞌ, akak kun fok baꞌ, akak kun to̱ riye̱ wu ike̱ng iya Adakunom ta nye kanye̱k'e kamok áfe a tu ku shim baꞌ.”

aRom 8:17

To̱, ke i nye ye yir nye yir inoon'e, i nye ye yir nye yir áya kutse Adakunom, ta ya yir kutse'me mak be aKiristi kum ke i nye ye yir tà so̱ yir risam mak be wu nong ta se̱ yir kuyiik mak be wu.

Ibrani 11:16

Á tsang á ni te riye̱ ba natoon kaben katek, kafe kaza. Kamok anong, Adakunom fok isum a tú ku yis ye Adakunom ba baꞌ, kamok a ma ka no̱k ba kuwo̱p.

aKolosi 1:24

Mi be riye̱ rikan kyo̱o̱rna be risam mi ta so̱ natoon yin, nong kamok risam'me mi tà shining ike̱ng iya i tà rusek kaye̱e̱r risam aKiristi tá so̱ kamok kuro̱m wu ku ta nye ikilisiya.

2 aKoranti 1:7

Kamok anong, yir ti be yir agak riye̱ ni yin baꞌ, kamok yir ren yir ye yin so̱ yin kuri risam afe yir ta so̱ yir, yin gip ta ma se̱ yin kuri kutsesek afe yir ta se̱ yir.

aMatiyu 13:11

aYeso fe̱ be ba ye, “Yin a ta no̱o̱k yin kukyem kuren ike̱re̱ rigwo̱m kaza, ike̱re̱ i ta se nune̱re̱ng. Amma ba a tu shim ba'me baꞌ.

aMatiyu 20:24

Nizen iya ribir álimazhiri kuso̱k'e tá fok itak'e, aye̱ ba beseng be áner afa'me.