aMatiyu 20:21 - Izere New Testament

²¹ aYeso tú ku rip ye, “Akye̱ ne wan tse̱r e̱?” Ne a fe̱ ye, “Mi shim inoon'i na, nafa na ta sor nubo̱k riya wan, azining nubo̱k riya ne akak nubo̱k rimen kaye̱e̱r rigwo̱m wan.”

aMatiyu 20:21 Referans Kwoze

aMatiyu 19:28

aYeso fe̱ be ba ye, “Won ta ka tak yin katsak'e, izen saase ife Igon Anerawe tana sonong ni itsik rigwo̱m wu ife kuyiik, yin áfe i tin kuus yin, yin tà sosok yin mak be mi natoon ítsik rigwo̱m kuso̱k be afa. Yin tà to̱ yin, ízo̱ro̱k Isarela kuso̱k be afa amok.

aMatiyu 18:1

Nizen iyong, álimazhiri'me be̱ nufe aYeso nong á tú ku rip ye, “Angan nar yiik cice̱r kaye̱e̱r rigwo̱m kaza e̱?”

Itomong Ámanzo 1:6

Ámanzo tá fa nyim be aYeso ne á ku rip ye, “Agwo̱m Ágwo̱m, nizen iyuna ne wan tu ku bun áner Isarela rigwo̱m ba a?”

aMarkus 6:22

Nizen iya angas aHirudiya'me tá no̱ nong a tá to nato, a kare̱p aHiridus riye̱ be átsen wu ame. Ayong agwo̱m ame fe̱ be kanamang'e ye, “Ni rip koakye ike̱ng iya wan tá shim. Mi tà ka no̱o̱k.”

aMatiyu 20:32

Ayong aYeso nyeseng a tú ku yis ba ne a ku rip ba ye, “Akye̱ ne yin shim yin mi tá ka nye yin'e e̱?”

aKolosi 3:1

Kum a tá ma ka dorok yin mak be aKiristi, to̱, ni te yin riye̱ natoon ike̱re̱ iya i ta se kaye̱e̱r kaza, naro̱ aKiristi ta mu ku sonong nabas kubo̱k riya Adakunom.

aRom 12:10

Naka shim yin kyo̱ndi aner be aronyining. Koangan ra sok afudang yiik ne a nar rice wu.

aYohana 15:7

Ke yin sor kaye̱e̱r'i ne rife̱ mi se kaye̱e̱r yin, yin tà rip yin koakye ike̱ng yin ta shim yin, a tà ka nye yin'e.

aLuka 22:24

Á kpaan nanan awan ba ka angan ne a ta sor ayiik'e ne a nar e̱?

aLuka 19:11

Kum ne á ru foos ike̱re̱ na, aYeso ya kasho̱o̱n be ku ka taas ba kumaas, kamok a se bubarak be aUshalima, ba sor ye rigwo̱m Adakunom'me tà wor ri be̱ nizen izining.

aLuka 18:41

“Akye̱ ne wan shim mi ta ka nye'me e̱?” Ne aner'e fe̱ ye, “Atekasa, mi shim ta di karo̱.”

aMarkus 10:51

Ne aYeso ku rip ye, “Akye̱ ne wan shim mi ta ka nye'me e̱?” Akpato̱o̱n ame fe̱ ye; “Aner kubo̱so̱p, mi shim ta di karo̱.”

aRom 8:34

Angan ne a ta kyem a ta te̱n anerawe amok e̱? aYeso Kiristi, aya a tá ku, sang a ku tsek baꞌ, a tú ku dorok nure̱k be kutser, aya a ta se nubo̱k riya Adakunom ne a nye izong kamok yir.

aMarkus 16:19

Nama aYeso tá fe̱ anong be ba, a tú sok a tá tseng'e kaye̱e̱r kaza nong a ta se sonong nubo̱k riya Adakunom.

aMatiyu 20:22

Amma aYeso fe̱ be ba ye, “Yin ren yin ike̱ng yin ta tse̱r yin baꞌ. Yin ta kyem i so̱ yin na ako̱p mi tanin so̱ a?” Ba tú ku shim'e ye, “Yir ta kyem yir.”