aMatiyu 20:1 - Izere New Testament

¹ “Rigwo̱m kaza se kyo̱ndi atekasa akak a tá wuruk nadiding bop, nong a tá se sok ánerawe nong á tá su ku nye itomong riko̱.

aMatiyu 20:1 Referans Kwoze

aMatiyu 13:47

A bun a fe̱ be ba gbak ye, “Rigwo̱m kaza se kyo̱ndi agunung a tá te kaye̱e̱r kudung nong a tin yising ízos iriri'me.

aMatiyu 13:24

aYeso bun a tu tak ba kumaas kukak gbak ye, “Rigwo̱m kaza se kyo̱ndi aner a tá nas alikama riko̱ wu.

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!

1 aKoranti 15:58

Kamok anong ároneng'i mi ta shim, nyeseng yin be agap, tu te yin tuk tuk baꞌ. No̱o̱k yin rice yin nong ta nye yin itomong Agwo̱m Ágwo̱m yir aYeso dide̱ng koakye izen, kamok yin ren yin ye itomong yin ta nye yin kamok Agwo̱m Ágwo̱m yir aYeso se bap baꞌ.

aYohana 15:1

“Mi ne i nye ritin kakon anap rife̱ katsak, Ada mi ne a nye aner ikap'e.

aMatiyu 25:1

“Nizen iyong rigwo̱m kaza ta se kyo̱ndi nanamang kuso̱k na tá sok apitila ba nong á ta tseng á ta sen shan aner akak a tá sok abining afas.

aMatiyu 22:2

“A ta kyem a maas rigwo̱m kaza be agwo̱m akak a tá nye igon wu kanye̱k riye̱ rikan kuwe̱ne̱ng.

aMatiyu 13:33

A bun a tu nye ba kumaas kukak gbak ye, “Rigwo̱m kaza se kyo̱ndi ayisti aya abining akak tá sok a tin gung be amudu ataar afe ikpe alikama ma alikama'me dorok a ta te cip.”

aMatiyu 13:31

aYeso bun a tú ku nye ba kumaas kukak ye, “Rigwo̱m kaza se kyo̱ndi ica amusta anerawe tá sok a ta tuus riko̱ wu.

aMatiyu 25:14

“Rigwo̱m kaza ta se kyo̱ndi aner akak a ta be nutseng, yong a yis áfe itomong wu nong a tú ku no̱o̱k ba itso̱m.

aMarkus 13:34

I se kyo̱ndi atekasa ta won kasa wu nong wu a ta be nutseng ne a won kasa'me nubo̱k ásam wu, ne a no̱o̱k ásam ame koangan be ike̱ng iya a tana nye. Ne a fe̱ be áner kutor kasa'me ye á ra sor ne á ye̱re̱k kasa'me ne á tor kube̱ wu.

aMatiyu 3:2

Ne a fe̱ ye, “Shishing yin kuse yin, kamok rigwo̱m kaza m be̱ bubarak.”

aMatiyu 23:37

“Ka! Yin aner aUshalima, áfe a tá fe̱s áner kuzarap Adakunom ne áya a ta barak áya a tu ku toos ba nufe yin be ata, kutak kumang ne mi shim ke i ta tusung yin karo̱ kazining kyo̱ndi anyining inyon ta tusung inoon wu, ne yin gaar yin e̱?

aMatiyu 21:28

“Kyo̱o̱rna iyong yin di yin ane̱ e̱? Aner akak tuse a ta be inoon atek'e nafa. A tseng nufe kafe ime̱se̱ng'e a tá fe̱ be wu ye, ‘Igon'i, tseng ta sen inye itomong riko̱ anap katuur.’

aMatiyu 20:2

Á tin sak ye, wu ta karang koangan ba itso̱m kuwoso alebura ne a ku tomong ba riko̱ anap wu.