2 Á ta se rip ye, “Agwo̱m áner aYahuda aya a tá tes ame se ake̱ e̱? Yir di yir adar wu nabas kuwuruk kunom, iyong ne yir m be̱ yir nong tù ku ya yir iben.”
“Mi, aYeso ne i tom amaleka mi nong a tá ka tak kutom na nong yin ta tak yin áfikuus. Mi ne i nye Kunik aDauda ne I nye Aner kasa'me. Mi ne i nye Adar Kusetson, aya a ta se kanang.”
Amma aBilatus fe̱ ye, “Aser, wan nye agwo̱m a?” aYeso fe̱ ye, “Wan ne wan fe̱ be kanu wan ye mi nye agwo̱m. Ike̱ng iya i tá sak a tin tes'ong, nong ta taas katsak'e. Koangan a ta nye afe katsak, shim kufoos kuto̱ mi.”
Ne á fe̱ ye, “Aner riye̱ rikan nye a nye agwo̱m aya a ta saase kaye̱e̱r riyerek Agwo̱m Ágwo̱m. kameneng riye̱ kuse kaye̱e̱r kaza ne kuyiik nye kufe Adakunom.”
Ayong á bo̱s afumung atarkai nong á tá tseng á tá se nyim be wu, ne á tang kuto̱ naza ye, “Nakerek nye nafe Adakunom. Aner riye̱ rikan ne nye aya a ta be̱ kaye̱e̱r riyerek Agwo̱m Ágwo̱m! Aner riye̱ rikan ne nye Agwo̱m Isarela.”
Nizen iya aYeso tá se nunyeseng nasho̱o̱n agwo̱mna'me yong a tú ku rip ye, “Wan ne i nye agwo̱m aner aYahuda a?” Ne aYeso fe̱ be wu ye, “Wan ne wan fe̱ anong.”