aMatiyu 19:9 - Izere New Testament

⁹ Won ta ka tak yin, koangan ne a kam be abining wu, sang ke ye kamok a nye rine̱n rikuna baꞌ, ke a sok abining akak a nye rine̱n kunye rikuna.”

aMatiyu 19:9 Referans Kwoze

aMatiyu 5:32

Amma kyo̱o̱rna'me, ike̱ng iya mi ta sen fe̱ be yin se ye, ke aner akak kam be abining wu ye, sang ke ise ye abining'e nye rikuna baꞌ, to̱, i te kyo̱ndi wu ne a tu te kaye̱e̱r rikuna'me ingya. Aner aya ne a sok abining'e, a nye rikuna.

aLuka 16:18

“Koangan ne a kam be abining wu nong a ta sok akak, i nye ye a nye rikuna be abining'e. Aner aya ne a sok abining aya a tá kam be amitek wu, i nye ye a nye rikuna.”

1 aKoranti 7:39

Abining kuwe̱ne̱ng ta kam be amitek wu baꞌ, ma katuk kaya amitek'e ku. Ke a ku, a ta kyem a nye kuwe̱ne̱ng be aner aya riye̱ wu ta shim, amma aner'e ra nye afikuus'e.

1 aKoranti 5:1

Mi fok ye yin nye yin rikuna, kuri kuya áfurin gip ta nye baꞌ. Anerawe ko̱s be abining atek wu,

1 aKoranti 7:4

Kuro̱m abining kuwe̱ne̱ng nye kufu wu ze̱r baꞌ, kunye kufe amitek wu gip. Anong ne i se, kuro̱m aner a tá nye kuwe̱ne̱ng nye kufu wu ze̱r baꞌ, kunye kufe abining wu gip.

aMatiyu 19:8

aYeso fe̱ be ba ye, “aMusa shim yin tá kam yin kuwe̱ne̱ng kamok kushonong yin. Amma i se anong kum ni ime̱se̱ng'e baꞌ.

aMatiyu 19:10

Iyong álimazhiri'me fe̱ be wu ye, “Ke i se anong, ko i nar aner tu sor dar kuwe̱ne̱ng ingya.”