aMatiyu 19:29 - Izere New Testament

²⁹ Koangan afe a tá won nasa wu ka áronyining wu ka ángasnyining ka atek wu ka ango̱ wu ka inoon wu ka ako̱ wu kamok riyerek'i, a ta se̱ ike̱ng iya i ta nar anong kuso̱k inyak ne a bun a se̱ kutser kufe izen izen.

aMatiyu 19:29 Referans Kwoze

aFilipi 3:8

Akye̱ nar anong'e, mi sok koakye kyo̱ndi ike̱ng ikak baꞌ ke mi ti maas be kuren aYeso Kiristi a ta te Agwo̱m Ágwo̱m mi. Mi nyosong ike̱re̱'ong cei kamok wu. Mi sok cei kyo̱ndi awha nong ta se̱ aKiristi,

aLuka 14:26

“Ke aner aya a shim a tin kuus ma a rawu atek be anyining ne abining be inoon wu, ne áronyining be ángasnyining wu, be rice wu gip. Sang ke anong baꞌ, a tà kyem a te alimazhiri mi baꞌ.

aMatiyu 16:25

Koangan afe a ta shim a tà shesh kutser wu, a tin wei, aner aya a ti wei nutser wu kamok'i a ta se̱.

aMatiyu 6:33

Kamok anong, tse̱r yin rigwo̱m Adakunom ne i nye ike̱ng iya wu ta shim, a tà ka no̱o̱k yin ike̱re̱'me cice̱r.

1 aBitrus 4:14

Ke a ta ka kas yin ye kamok yin ta nye yin áfe aKiristi, sok yin ye i nye ike̱ng itek, kamok kuyiik ne kabik Adakunom se natoon yin.

aMatiyu 10:22

Ánerawe cice̱r tà ka ranyin kamok mi, amma aner aya ne a nyeseng be agap ma nigang'e, a tà se̱ kashesh.

aYohana 15:19

Ke a fa fe̱ ye yin nye yin áfe kazatse, ke kazatse ta shim yin kamok yin ta nye yin áfu. Kyo̱ndi i ta se, yin nye yin áfe kazatse baꞌ, amma mi ma ka kasa yin kaye̱e̱r áfe kazatse. Iyong ne i sak kazatse ta ka rayin yin.

aLuka 6:22

Áner riye̱ rikan ne á nye yin ánerawe tá ka di yin kye̱re̱, ne á kam be yin ne á ka kas yin, ne á ka ranyin kyo̱ndi ike̱ng imaan'e, kamok Igon Anerawe.

aMatiyu 5:11

“Áner riye̱ rikan ne á nye áner aya ánerawe ta ka kas yin, ne á ka no̱o̱k yin risam, ne á ti bo̱s abo̱o̱s natoon yin, kamok mi.

1 aKoranti 2:9

Kyo̱ndi i ta se ni izibir ye, “Akak kun di baꞌ, akak kun fok baꞌ, akak kun to̱ riye̱ wu ike̱ng iya Adakunom ta nye kanye̱k'e kamok áfe a tu ku shim baꞌ.”

Itomong Ámanzo 9:16

Mi be rice mi, mi tù ku tonong kuri risam riya a tana so̱ kamok riyerek'i.”

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

aMatiyu 19:16

Ayong aner akak be̱ nufe aYeso nong a tá fe̱ be wu ye, “Aner kubo̱so̱p, akye̱ kuri ike̱ng itek ne mi ta nye nong ta ra se̱ kutser kufe izen izen e̱?”

aMatiyu 13:23

Ike̱ng á tá tuus niben itek ne i nye aner a ta fok rife̱'me ne a ren ike̱ng iya rife̱'me ta sor. A te ace kuso̱k inyak ne íkak iso̱k igataar ka iso̱k itaar ne i nar ike̱ng iya a tá tuus.”

2 aKoranti 5:16

Kamok anong, yir baꞌ, sen ye̱re̱k yir akak be kuse rinerawe baꞌ. Gip be i ta tsang i ye̱re̱k yir aKiristi anong, i ba ru ku ye̱re̱k yir anong baꞌ.

aMatiyu 25:46

“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”

aMatiyu 13:8

Ica'me ikak kpas naro̱ katek ne i te kusu saase, ikak kuso̱k inyak ne ikak te ace iso̱k igataar ne ikak te iso̱k itaar ne i nar ike̱ng iya a ta nas.

3 aYohana 1:7

Áner na tsang á tseng kamok riyerek aYeso, á shan kutobok nibo̱k aya á ta won dar á nye ikilisiya baꞌ.

aLuka 5:11

Iyong á ko̱k akpara ba á tá saas nukim kudung'e, nong á tá won koakye, á tú ku kuus.

aYohana 4:36

Kyo̱o̱rna aner kutusung'e se̱ ishorong wu, a tusung kamok kutser kufe izen izen, nong ase̱ aner afe a ta tuus ne afe a ta tusung ta nye riye̱ rikan mak.