aMatiyu 19:28 - Izere New Testament

²⁸ aYeso fe̱ be ba ye, “Won ta ka tak yin katsak'e, izen saase ife Igon Anerawe tana sonong ni itsik rigwo̱m wu ife kuyiik, yin áfe i tin kuus yin, yin tà sosok yin mak be mi natoon ítsik rigwo̱m kuso̱k be afa. Yin tà to̱ yin, ízo̱ro̱k Isarela kuso̱k be afa amok.

aMatiyu 19:28 Referans Kwoze

aMatiyu 25:31

“Nizen iya Igon Anerawe tana be̱ kaye̱e̱r kuyiik wu mak be ámaleka cice̱r, a tà sonong na ayiik itsik rigwo̱m wu.

Ike̱ng a ta tonong aYohana 20:4

Iyong mi di ítsik rigwo̱m whe̱re̱ iya áya a ta ma ka no̱o̱k ba kukyem kuto̱ ánerawe amok ta min sosok natoon'e. Ne mi di nabik áner aya a tá te̱se̱ng ace ba ye kamok ba tá yiir katsak natoon aYeso ne rife̱ Adakunom. Ba ne á gaar kuya kukewum ame iben ka ike̱ng iya a tá nye kyo̱ndi wu ne á gaar a tá ka tse̱k ba izizo̱ kukewum ame nanati ba ka nibo̱k ba ayi. Á bun á dorok be kutser nong á ta nye rigwo̱m mak be aKiristi aye̱ izungu izining.

Ike̱ng a ta tonong aYohana 7:4

Ne mi fok ye áner aya a tú ku tse̱k ba izizo̱'me, se áner izungu kuso̱k inyak be iso̱k inaas be anaas kaye̱e̱r nazu áner Isarela kuso̱k be afa.

2 aBitrus 3:13

Amma be kuno̱o̱k kuto̱ Adakunom tá tsang a no̱o̱k, yir sen tor yir kaza kafas be kaben kafas, karo̱ kaya katsak tana kuse koakye izen.

aMatiyu 16:27

Kamok Igon Anerawe tà be̱ be kuyiik Ada wu ne kufe ámaleka nong a tà no̱o̱k koangan ishorong itomong wu.

Ike̱ng a ta tonong aYohana 21:5

Ayong afe a tá tsang a sonong natoon itsik rigwo̱m ame fe̱ ye, “Di yin, mi sen nye koakye ifas!” A bun a fe̱ be mi ye, “Zibir rife̱ na, kamok rife̱'me nye katsak ne ri nye ike̱ng iya a tana kuus.”

Ike̱ng a ta tonong aYohana 4:4

Ítsik rigwo̱m íkak iso̱k ifa be anaas gorok itsik rigwo̱m'e, be áko̱k kasho̱o̱n iso̱k ifa be anaas á tan sosok natoon ítsik rigwo̱m'e. áko̱k kasho̱o̱n'e n tes ares akan be abong izinariya.

Ike̱ng a ta tonong aYohana 3:21

Aner aya a tà canang kazatse, mi tù ku sak a ta sonong mak be mi natoon itsik rigwo̱m mi kyo̱ndi mi tá canang kazatse ne i sonong mak be Ada mi natoon itsik wu.

2 aTimoti 2:12

ke i naka tsesek yir, yir tà bun i nye yir rigwo̱m mak be wu. Ke yir ton yir ye sang yir tu ren yir baꞌ, wu tà ton'e gip ye sang wu ti ren yir gip baꞌ.

Itomong Ámanzo 3:21

Wu tà sor azong kaye̱e̱r kaza ma nizen iya Adakunom tana shishing koakye ike̱ng nizham kyo̱ndi wu tá tsang a fe̱ gbugbang ni nanu áner kuzarap wu ázhe̱l'e.

aMatiyu 20:21

aYeso tú ku rip ye, “Akye̱ ne wan tse̱r e̱?” Ne a fe̱ ye, “Mi shim inoon'i na, nafa na ta sor nubo̱k riya wan, azining nubo̱k riya ne akak nubo̱k rimen kaye̱e̱r rigwo̱m wan.”

Ike̱ng a ta tonong aYohana 22:2

ne a wo̱k natite agbang iren i ta se kaye̱e̱r kuwo̱p'e. Kakon kutser tuse ka ta nyeseng nukim isho̱ng'e nabas afa, ka ta tes kutak kuso̱k be afa koakye riye̱. Kakon'e tes koakye kufe̱n. Afumung kakon'e nye rikan nufe ánerawe kazatse cei.

Ike̱ng a ta tonong aYohana 12:1

Ayong agbang ike̱ng azhing ikak wuruk natoon kaza. Ike̱ng'e nye abining akak a tá sok kunom a tin nye ares ne kufe̱n nabas atak wu. Ribong rigwo̱m wu nye ádar kuso̱k be afa.

aMatiyu 6:33

Kamok anong, tse̱r yin rigwo̱m Adakunom ne i nye ike̱ng iya wu ta shim, a tà ka no̱o̱k yin ike̱re̱'me cice̱r.

aMatiyu 8:20

aYeso fe̱ be wu ye, “Áromong be ibong á tin no̱o̱s ne nanon be are̱, amma Igon Anerawe be karo̱ a tanin sak rice wu baꞌ.”

aMatiyu 19:27

Ayong aBitrus fe̱ be wu ye, “Di, yir n won yir koakye nong i tá ka kuus yir, to̱, iyong yir tà se̱ yir akye̱?”

aMarkus 10:37

Ayong ba fe̱ ye, “Katuk wan tana no̱ kaye̱e̱r kuyiik wan, won akak yir tu sor nabas kubo̱k riya wan, ne akak sor nabas kubo̱k rimen wan.”

Ike̱ng a ta tonong aYohana 11:16

Ayong áko̱k kasho̱o̱n iso̱k ifa be anaas á tá se nusosok natoon ítsik rigwo̱m ba kpas kaben nong á tá ya Adakunom iben,

Ike̱ng a ta tonong aYohana 22:5

Karo̱ ba sen te katuk baꞌ. Ánerawe tà ba tse̱r akanang kunom ka apitila nong a tin di karo̱ baꞌ, kamok Adakunom, Agwo̱m Ágwo̱m ne a tà nye akanang ba. Á tà nye rigwo̱m ma izen izen.