aMatiyu 19:23 - Izere New Testament

²³ Ayong iya aYeso fe̱ be álimazhiri wu ye, “Won ta ka tak yin katsak'e, i ta ro̱ arum tana no̱ kaye̱e̱r rigwo̱m kaza.

aMatiyu 19:23 Referans Kwoze

aMatiyu 13:22

Íca'me iya i tá kpas kaye̱e̱r ikiritsan nye aner a ta fok rife̱'me, amma ke izen iya ne kudaam kusor kazatse be kushim kurum tu ku daam ne a beseng.

aMarkus 10:23

Ayong aYeso ye̱re̱k ánerawe ne a gorok'e, ne a fe̱ be álimazhiri wu ame ye, “I ta ro̱ dide̱ng arum ta no̱ kaye̱e̱r rigwo̱m Adakunom!”

aLuka 18:24

aYeso tá di riye̱ riwe wu, yong a fe̱ be wu ye, “I tà ro̱ dide̱ng arum ta no̱ kaye̱e̱r rigwo̱m Adakunom!

1 aKoranti 1:26

Ároneng, yiring yin be kuri kuse yin tin se yin nizen iya Adakunom tá ka yis yin. Áfe a tá be ritseng kuri rife rinerawe kaye̱e̱r yin se whe̱re̱ baꞌ. Áfe a tá nye agbang aner kaye̱e̱r yin se whe̱r baꞌ, whe̱re̱ kaye̱e̱r yin nye áfekasa rigwo̱m baꞌ.

aYohana 3:3

Ayong aYeso fe̱ be wu ye, “Katsak'e ne mi ta ka tak, akak kusa a ta kyem a no̱ kaye̱e̱r rigwo̱m Adakunom baꞌ, sang ke a bun a tu ku tes kutes dim ba'.”

aYakub 2:6

Amma yin je̱e̱sh yin áfe rizor. Sang árum ne a ka mo̱o̱r yin ne á tsees be yin natu amok aꞌa?

Itomong Ámanzo 14:22

ne á tsang á tsesek áfikuus ne a ku nyesek ba itabak ye á ra yiir rife̱ riya ba ta min no̱o̱k katsak be agap. Ne á fe̱ ye “Ma be risam dide̱ng nizham yir tà ra no̱ yir kaye̱e̱r rigwo̱m Adakunom.”

aYohana 3:5

aYeso fe̱ be wu ye, “Katsak'e ne mi ta ka tak, sang ke a bun a tes anerawe be ashi ne Kabik baꞌ, a ta kyem a no̱ kaye̱e̱r rigwo̱m Adakunom baꞌ.

aMatiyu 18:3

Ne a fe̱ be ba ye, “Won ta ka tak yin katsak'e, sang ke yin shishing yin kuse yin nong i tà te yin kyo̱ndi inoon nazhizhe̱k'e baꞌ, yin tà no̱ yin kaye̱e̱r rigwo̱m kaza baꞌ.

aMatiyu 5:20

Won ta ka tak yin, sang ke kunye yin kutek nar kufe áner kubo̱so̱p Itsi be áner aFarisi baꞌ, To̱, yin tà no̱ yin kaye̱e̱r rigwo̱m kaza baꞌ ko cie̱k.

aMatiyu 21:31

“To̱, kaye̱e̱r ba afa'ong angan ne a nye ike̱ng ada ba tá shim e̱?” Iyong á fe̱ ye, “Kafe ime̱se̱ng'e.” aYeso fe̱ be ba ye, “Katsak'e ne mi ta ka tak yin, áfe kushashang itso̱m iben ne ínyak agwo̱m ta ka tsang yin kaye̱e̱r rigwo̱m Adakunom.

aMatiyu 19:22

Nizen acam ame tá fok anong, a tú bun be riye̱ riwe, kamok wu tá nye arum'me.