aMatiyu 19:21 - Izere New Testament

²¹ aYeso fe̱ be wu ye, “Ke wan shim tá raar ni ike̱ng ikak baꞌ, to̱, tseng ta se re̱e̱s ike̱re̱ wan nong tà no̱o̱k áfe rizor itso̱m'me, wan tà se̱ ishorong kaye̱e̱r kaza. Ne i be̱ tin kuus.”

aMatiyu 19:21 Referans Kwoze

aMarkus 10:21

aYeso tu ye̱re̱k be kushim. Ayong a fe̱ be wu ye, “Wan ru raar nike̱ng izining tsek. Tseng ta se re̱e̱s koakye wan ta be, kasap áfe rizor itso̱m'e. Wan ta se̱ kurum naza nong ta be̱ tin kuus.”

aLuka 18:22

aYeso tá fa fok anong, ne a fe̱ be wu ye, “Wan ru raar nike̱ng izining. Re̱e̱s koakye wan ta be, kasap áfe rizor itso̱m'e. Wan tà se̱ kurum naza nong ta be̱ tin kuus.”

aLuka 12:33

Re̱e̱s yin ike̱re̱ yin nong ta no̱o̱k yin áfe rizor itso̱m'e, be kunye anong ne yin ta sak yin kurum naro̱ afe sang ku tana beseng baꞌ, kaye̱e̱r kaza, naro̱ kaya ákpatang tanin be̱ bubarak ka itse̱ tana ya baꞌ.

aLuka 14:33

Anong ne yin gip, koangan ne ke a won koakye wu ta be nong a tin kuus baꞌ, a tà kyem a te alimazhiri mi baꞌ.

Itomong Ámanzo 2:45

Á re̱e̱s naro̱ be ike̱re̱ iya ba tá be nong á tá kasap itso̱m'me be áner aya a tá se nutser.

aYohana 12:26

Koangan afe a ta shim a ta te asam mi, a tin kuus dim. Karo̱ kafe mi tu ku se, a tà se azong gip. Ada mi tà tiyiik aner aya afe a tin nye itomong cice̱r.

aLuka 9:23

Ayong aYeso fe̱ be ba cice̱r ye, “Koangan afe a ta shim a tin kuus, a ra rawu rice wu nong a ta sok kukon a tana ku tigak mo koakye kunom nong a tin kuus.

aYohana 10:27

Itamang'i fok kuto̱ mi, mi ta ren ba ne ba ni kuus.

aMatiyu 5:48

Kamok anong, shining yin, kyo̱ndi Ada yin afe a ta se kaye̱e̱r kaza ta shining.

aLuka 16:9

Mi tà ka tak yin ye i rin nye yin itomong be kurum kazatse nong tin se̱ yin áferime̱, nong ase̱ ke kurum'e gang, a tà ka shan yin naro̱ kafe izen izen.

aMatiyu 19:28

aYeso fe̱ be ba ye, “Won ta ka tak yin katsak'e, izen saase ife Igon Anerawe tana sonong ni itsik rigwo̱m wu ife kuyiik, yin áfe i tin kuus yin, yin tà sosok yin mak be mi natoon ítsik rigwo̱m kuso̱k be afa. Yin tà to̱ yin, ízo̱ro̱k Isarela kuso̱k be afa amok.

aMatiyu 16:24

Ayong aYeso fe̱ be álimazhiri wu ye, “Ke akak shim a tin kuus ma a rawu rice wu ne a sok kukon ku kutigak wu ne ni kuus.

aLuka 6:40

Aner a ta sen bo̱so̱p ike̱ng kun nar aner a tu ku bo̱so̱p'e baꞌ, amma koangan a tú ku bo̱so̱p'e gye̱r tà te kyo̱ndi aner a tú ku bo̱so̱p'e.

aLuka 5:27

Nama anong, aYeso wuruk, a di aner akak afe a tá shashang itso̱m iben, á tú ku yis ye, aLawi nusonong naro̱ itomong wu yong aYeso fe̱ be wu ye, “Ni kuus.”

aMarkus 8:34

Ayong aYeso yis rigwo̱m anerawe ame be alimazhiri wu nong a ta fe̱ ye, “Koangan afe a ta shim a tin kuus, a ra rawu rice wu nong a ta sok kukon a tana ku tigak mo nong a tin kuus.

aMatiyu 9:9

aYeso tá ya kasho̱o̱n be kutseng ne a di afe kushashang itso̱m iben akak a tú ku yis ye aMatiyu, a se nusonong naro̱ itomong wu. aYeso fe̱ be wu ye, “Ni kuus,” iyong a dorok nong a tú ku kuus.

Ibrani 10:34

Yin tonong yin áya a ta se nitso̱m kuro̱ riye̱. Yin nye yin riye̱ rikan nizen iya a tin shan ike̱re̱ yin, kamok yin ren yin ye yin be yin ike̱re̱ i ta nar iyong ife i tana sor ma izen izen.

aMarkus 2:14

aYeso'me tá se be kutsang tseng yong a di aner akak a tú ku yis ye aLawi igon Alfiyus, nusonong naro̱ kushashang itso̱m iben. Ayong aYeso fe̱ be wu ye, “Ni kuus,” iyong aLawi'me dorok nong a tú ku kuus.

aMatiyu 8:22

Amma aYeso fe̱ be wu ye, “Ni kuus, won ikom ta ne̱se̱k ikom.”

aMatiyu 4:19

Ne aYeso fe̱ be ba ye, “Be̱, ni kuus yin, mi tà ka sak yin tin be̱s yin be ánerawe.”

aMatiyu 19:20

Ayong acam ame fe̱ ye, “Mi n kuus ike̱re̱'ong cice̱r, akye̱ ne i rusek gbak e̱?”

aMatiyu 19:22

Nizen acam ame tá fok anong, a tú bun be riye̱ riwe, kamok wu tá nye arum'me.