aMatiyu 19:16 - Izere New Testament

¹⁶ Ayong aner akak be̱ nufe aYeso nong a tá fe̱ be wu ye, “Aner kubo̱so̱p, akye̱ kuri ike̱ng itek ne mi ta nye nong ta ra se̱ kutser kufe izen izen e̱?”

aMatiyu 19:16 Referans Kwoze

aZhud 1:21

Sor yin kaye̱e̱r kushim Adakunom ne i tor yin Agwo̱m Ágwo̱m yir aYeso Kiristi aya kamok kuro̱ riye̱ a ta tseng be yir kaye̱e̱r kutser kufe izen izen.

aYohana 3:15

Nong koangan afe a tin no̱o̱k katsak ni wu tà se̱ kutser kufe izen izen.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

1 aYohana 1:2

Wu ne a nye aya a ta nyesek kutser, a be̱ nufe ánerawe, yir tú ku di yir. Kamok anong yir sen ka taas yin rife̱ na natoon wu aya a ta nyesek kutser kufe izen izen. A se mak be Adakunom a ta nye Ada'me, amma Adakunom sak yir tú ku di yir.

aMatiyu 25:46

“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”

aTitus 3:7

A nye anong, nong ase̱ kamok ritek wu yir ta se̱ yir ku te zhe̱l nasho̱o̱n Adakunom ne i te yir áya a tana ya kutse kutser kufe izen izen kuya yir ta min te yir riye̱.

1 aYohana 2:25

Ke yin nye yin anong, yin tà se̱ yin kutser kufe izen izen kuya aYeso tá tsang a no̱o̱k kuto̱ ye wu tin no̱o̱k yir.

aTitus 1:2

kamok kute riye̱ natoon kutser kufe izen izen. Adakunom, wu a ta be abo̱o̱s baꞌ, ne a no̱o̱k kuto̱ natoon kutser kufe izen izen nizham a ta ra san ízam.

1 aTimoti 6:19

Ke ba nye anong ne a ta tusung ike̱re̱ itek kamok rice ba kaye̱e̱r kaza ne i sor agbang kanye̱k kamok izen i ta saase nong ase̱ yin ta se̱ yin kutser ku ta nye kufe katsak.

1 aTimoti 6:12

Ko̱n kuren kutek kaye̱e̱r kuno̱o̱k katsak. Yiir kutser kufe izen izen kuya a ta ka yis mo nizen iya wan ta fe̱ nasho̱o̱n ánerawe whe̱r ye wan shan aKiristi.

Itomong Ámanzo 16:30

A tú ku tun ba nufang nong a tá fe̱ ba ye, “Atekasa, akye̱ dim ne mi tà nye nong ta se kashesh e̱?”

aRom 5:21

nong ase̱, kyo̱ndi rine̱n ta nye rigwo̱m wu be riku, anong ne ritek Adakunom ta nye rigwo̱m wu kyo̱o̱rna be kuse gye̱r nasho̱o̱n Adakunom. Anong ne ri ta tseng be yir kaye̱e̱r kutser kufe izen izen kamok aYeso Kiristi Agwo̱m Ágwo̱m yir.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

aYohana 12:25

Aner aya a ta shim kutser wu tin wei. Aya a ta rawu rice wu kaye̱e̱r kazatse na tà se̱ kutser kufe izen izen.

aYohana 10:28

Mi tu no̱o̱k ba kutser kufe izen izen, ba tà kus baꞌ sam. Aner akak tà kyem a tin shan nubo̱k'i baꞌ.

aYohana 6:68

aSiman Bitrus fe̱ ye, “Atekasa, yir ta tseng yir nufe angan e̱? Wan ne i ta be Rife̱ Kutser.

aYohana 6:47

Katsak'e ne mi ta ka tak yin, aner aya a tin no̱o̱k katsak ni mi, a be kutser kufe izen izen.

aYohana 5:39

Yin yiir bo̱so̱p yin Afumung rife̱ Adakunom, kamok yin di yin ye yin tà se̱ yin kutser kufe izen izen kaye̱e̱r ba. Ba fe̱ rife̱ natoon'i.

aYohana 4:14

amma koangan ne a so̱ ashi mi tana ku no̱o̱k a tà ba fok kuto̱ kukoor baꞌ. Ashi mi tana ku no̱o̱k ta sor itop ashi kuro̱m wu, ife i tana ku no̱o̱k kutser kufe izen izen.”

aMatiyu 19:29

Koangan afe a tá won nasa wu ka áronyining wu ka ángasnyining ka atek wu ka ango̱ wu ka inoon wu ka ako̱ wu kamok riyerek'i, a ta se̱ ike̱ng iya i ta nar anong kuso̱k inyak ne a bun a se̱ kutser kufe izen izen.

1 aTimoti 1:16

Amma Adakunom ti tonong kuro̱ riye̱ dide̱ng kamok mi tsang i nar rine̱n, aYeso Kiristi tonong kutsesek wu dide̱ng natoon'i nong ku ta sor ike̱ng kumaas nufe áner aya a tanin no̱o̱k katsak ni wu ne á se̱ katser kafe izen izen.

aMatiyu 19:26

Amma aYeso tú ku ye̱re̱k ba a tá fe̱ ye, “Be anerawe, i ta kyem i se anong baꞌ, amma be Adakunom, koakye kyem i nye.”

aMatiyu 19:15

Nama a tin saas ibo̱k niba, a dorok azong a ta tseng.