aMatiyu 18:7 - Izere New Testament

⁷ “Awo̱ be kazatse kamok ike̱re̱ i ta sak ánerawe ta nye rine̱n. Ike̱re̱'me tà be̱s dim, amma awo̱ be aner aya a tana sak akak ta nye rine̱n.

aMatiyu 18:7 Referans Kwoze

aLuka 17:1

aYeso fe̱ be álimazhiri wu ye, “Ike̱re̱ i tana sak ánerawe tana nye rine̱n tà be̱ dim. Awo̱ be aner aya a tana sak akak tana nye rine̱n.

1 aKoranti 11:19

Anong gye̱r, nanan tin no̱ kaye̱e̱r yin nong ase̱ a ta ren áfe a ta nye áfe Adakunom be katsak.

aMatiyu 26:24

Igon Anerawe tà ku kyo̱ndi a tá zibir kaye̱e̱r kufumung kuzhe̱l'e, amma awo̱ be aner aya a tana re̱p Igon Anerawe. Aner na, i tú ku nar ke a fa ku kutes baꞌ.”

aZhud 1:4

Mi fe̱ anong, kamok áner kuri ákak n no̱ kaye̱e̱r yin kyo̱o̱n. Á fok inyim Adakunom baꞌ. Á sok ritek Adakunom nong ri ta te iren kunye kpe̱de̱ng. Á ton'e aYeso Kiristi ye sang wu ne a nye Atekasa ne a nye Agwo̱m Ágwo̱m yir baꞌ. Kum gbugbang a tsang a zibir ye a tú ku to̱ ba amok.

aTitus 2:8

ne atuk ica katsak fan ákak bu shik. Be anong ne áya a tá ka rawan ta fok isum kamok á se̱ ike̱ng ikak imaan'e á tanin fe̱ natoon yir baꞌ.

aTitus 2:5

ne á yiir rice ba ne á sor zhe̱l ne á ni sak riye̱ na nasa ba, be kuse kutek ne á fok átek ba kuto, fan á bu te kye̱re̱ be rife̱ Adakunom.

1 aTimoti 6:1

Áner aya á ta nye ásam cice̱r ra fok átekasa ba ato ne á ka no̱o̱k ba kuyiik ba nong fan akak bu zhe̱e̱sh riyerek Adakunom ne ike̱ng iya yir tá bo̱so̱p yir.

Itomong Ámanzo 1:16

a tá fe̱ ye, “Ároneng be ángasneng, rife̱ Adakunom riya Kabik Kazhe̱l'e tá fe̱ gbugbang nanu aDauda natoon aYahuza aya a tá ko̱k áner á ta yiir aYeso kasho̱o̱n ta shining dim.

aYohana 17:12

Nizen iya mi tá se be ba, mi tú ku fek ba, ne mi ni sak riye̱ ni ba be riyerek riya wan tin te'me. Akak wei baꞌ, ma ke azining kaye̱e̱r ba aya a tá te kpe̱de̱ng nong ase̱ a tá shining Kufumung Rife̱ Adakunom.

aMarkus 13:7

Ke yin fok yin itak itsom ka riwo̱ng'e ayi, sang tu te yin febek baꞌ. Ma ike̱re̱ kuri iyong nye, nizham igang'e ta ra nye.

aMatiyu 16:23

Amma aYeso kirik a tá fe̱ be wu ye, “Kam be mi, Ishetan, wan sor ike̱ng mi tanin turuk kutak. Wan to̱ natoon ike̱re̱ iya Adakunom ta shim baꞌ, ma ife rinerawe.”