aMatiyu 18:5 - Izere New Testament

⁵ Koangan afa a ta shan igon kahiir'e kyo̱ndi kayu na kaye̱e̱r riyerek mi, mi ne ti shan.

aMatiyu 18:5 Referans Kwoze

aMatiyu 25:40

“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

aGalati 4:14

Kuro̱k'i sor ike̱ng kudaam nufe yin, gip be anong yin ti tonong yin akye̱re̱ ka kuzhe̱e̱sh baꞌ. Amma yin ban i ti shan yin ibo̱k ifa, kyo̱ndi mi nye amaleka Adakunom, ka mi ne i nye aYeso Kiristi'me.

aYohana 13:20

Katsak'e ne mi ta ka tak yin, aner aya ne a shan koangan afe mi tu ku tom be riye̱ rizining, i nye ye a ti shan mi. Aya ne a ti shan be riye̱ rizining, i nye ye a shan aner aya a tin tom.”

aMarkus 9:37

“Koangan ne a shan igon kahiir'e kyo̱ndi kayu kaye̱e̱r riyerek'i, i nye ye a ti shan. Ne koangan afe a ti shan, i nye ye sang a ti shan tsek baꞌ, amma aya a tin tom.”

aLuka 9:48

Ne a fe̱ be ba ye, “Aner aya ne a shan igon kahiir'e kyo̱ndi kayu kaye̱e̱r riyerek'i, i nye ye a ti shan. Aner aya ne a ti shan, i nye ye a shan aya a tin tom, kamok aner afe a ta mees rice wu ye wu raar kaye̱e̱r yin cei, wu ne a nye ayiik'e ne a nar.”

aMarkus 9:41

Katsak'e ne mi ta ka tak yin, aner aya ne a ta no̱o̱k yin ashi kuso̱ na ako̱p kaye̱e̱r riyerek'i ye, kamok yin nye yin anaan, a ta dun ishorong wu baꞌ.”

aMatiyu 25:45

“Ne a ma fe̱ be ba ye, ‘Katsak'e ne mi ta ka tak yin, kum yin ta nye yin ákak'e kaye̱e̱r áfe agap kuraar na baꞌ. Yin ti nye yin'e baꞌ.’

aMatiyu 7:8

Kamok koangan afe a tá rip a tù ku no̱o̱k, koangan afe a tá tse̱r a ta se̱, koangan afe a tá tsor a tu ku karak'e.

aMatiyu 18:4

Koangan afe a ta sok rice wu kyo̱ndi igon na, wu ne a nar yiik kaye̱e̱r rigwo̱m kaza.

aMatiyu 18:6

“Ke aner akak sak azining kaye̱e̱r azhizhe̱k'e na, aya a tá min no̱o̱k katsak natoon'i, ta nye rine̱n, i tu ku nar a tu ku roos agbang kuta ako̱ nong a tu ku barak kaye̱e̱r agbang kudung tsik.