aMatiyu 18:35 - Izere New Testament

³⁵ “Anong ne Ada mi a ta se kaye̱e̱r kaza ta nye be koangan afe a ta nye áfudang wu igaas be riye̱ rizining.”

aMatiyu 18:35 Referans Kwoze

aYakub 2:13

Kamok koangan a ta se dar kuro̱ riye̱, Adakunom tu ku to̱ amok dar kuro̱ riye̱. Kuro̱ riye̱ be kusas riye̱ natoon amok.

aMarkus 11:25

Izen iya yin no̱ yin ninye aduwa, ke yin be yin ike̱ng ikak be akak kaye̱e̱r riye̱ yin, ku re̱ng yin'e, nong Ada yin afe a ta se kaye̱e̱r kaza tà ma ka re̱ng yin rine̱n yin gip.

aMatiyu 6:12

Ni re̱ng yir rine̱n yir, kyo̱ndi yir tá re̱ng yir áya afe a tin nye yir rine̱n.

aLuka 16:15

aYeso fe̱ be ba ye, “Yin ne i shim yin ánerawe ta ka di yin ye yin nye yin áner katsak, amma Adakunom ren aye̱ yin. Ike̱re̱ ánerawe ta di yiik i se fe̱re̱ nufe Adakunom.”

Ike̱ng a ta tonong aYohana 2:23

Mi tà fe̱s inoon wu cei nong ase̱ áfikuus cice̱r tà ren ye, mi ne i nye afe kuye̱re̱k aye̱ ánerawe be kuto̱ro̱ng ba cei. Mi tù ku karang koangan yin tite̱re̱ be itomong wu.

aYakub 3:14

Amma ke wan yiir amaan rishishim ne kushim rice kaye̱e̱r riye̱ wan, tin nye kuka natoon'e ka ta ton katsak'e baꞌ.

aYakub 4:8

Be̱ yin bubarak be Adakunom nong wu ta be̱ bubarak be yin, kusu yin ibo̱k yin, yin áfe rine̱n, nye yin aye̱ yin tu te jel, yin áfe agak aye̱.

aMatiyu 18:34

Riye̱ agwo̱m ba'me beseng dide̱ng yong a sak a tu ku te nitso̱m ma a karang kuta a tú ku kuus.

aMarkus 11:26

Amma ke yin re̱ng yin ákak rine̱n ba baꞌ, Ada yir afe a ta se kaye̱e̱r kaza ta ma ka re̱ng yin rine̱n yin baꞌ.”