aMatiyu 18:28 - Izere New Testament

²⁸ “Amma nizen asam ame tá wuruk a sen tseng iyong a nyim be afudang wu asam akak wu tú ku kuus kuta itso̱m aDinari kuso̱k inyak. A tu ku yiir kpa ne a fe̱ be wu ye, ‘Ni karang kuta itso̱m'i.’

aMatiyu 18:28 Referans Kwoze

aMatiyu 20:2

Á tin sak ye, wu ta karang koangan ba itso̱m kuwoso alebura ne a ku tomong ba riko̱ anap wu.

aMatiyu 18:27

Atekasa wu'me fok kuro̱ riye̱ wu, yong a tú won kuta'me ne a ku won a ta tseng.

aMatiyu 18:29

“Asam afudang wu ame kpa kaben nong a tá fe̱ be wu ye, ‘Mi ta ka nye izong. Te kuta riye̱, mi ta ka karang.’

aMarkus 6:37

Amma aYeso fe̱ be ba ye, “Ku no̱o̱k yin ba ike̱ng ikak nong á ta ya.” Ba fe̱ be wu ye, “Iyu ta sok itso̱m ife̱n ikara aner aya a ta nye itomong! Yir ta sok yir itso̱m anong, nong ta se fe̱r yir natoon abiredi nong tu ku no̱o̱k yir ba nong á ta ya a?”

aMarkus 14:5

A fa re̱p ke a ti se̱ itso̱m i ta gor itso̱m kuwoso alebura kuko̱s iso̱k inyak iso̱k itaar, nong a ta no̱o̱k afe rizor, ke i nar.” Iyong á zhe̱e̱r abining ame dide̱ng.

aLuka 7:41

“Áner afa se ko̱bo̱k itso̱m nufe aner akak a ta nyesek iko̱p itso̱m. Akak ko̱bo̱k Itso̱m alebura ife riye̱ rizining be ribir ne akak ko̱bo̱k itso̱m iya alebura tana se̱ kaye̱e̱r kuko̱s iso̱k itoon.

aLuka 10:35

Naya katson'e, a sok ica itso̱m a ta yis ye adinari ifa a tá no̱o̱k aner a tin sak riye̱ naro̱ ame nong a tá fe̱ be wu ye, ‘Inga, ni sak riye̱ ni wu. Koakye ne wan ti fe̱r ni wu, nizen iya mi be̱ ne i ni tak, mi tá ka karang.’ ”

aYohana 6:7

Ayong aFilibus fe̱ be wu ye, “Ko, itso̱m itomong alebura ife ife̱n ikara ta kyem kushan naya nong koangan ta se̱ ikpis'e baꞌ.”