aMatiyu 18:23 - Izere New Testament

²³ “Kamok anong a kyem a maas rigwo̱m kaza be agwo̱m akak a tá shim ásam wu tu ku karang ike̱ng ife wu tú ku kuus ba.

aMatiyu 18:23 Referans Kwoze

aMatiyu 13:24

aYeso bun a tu tak ba kumaas kukak gbak ye, “Rigwo̱m kaza se kyo̱ndi aner a tá nas alikama riko̱ wu.

aRom 14:12

Kamok anong, koangan yir ta tak ike̱ng iya wu tá nye nasho̱o̱n Adakunom.

aMatiyu 13:47

A bun a fe̱ be ba gbak ye, “Rigwo̱m kaza se kyo̱ndi agunung a tá te kaye̱e̱r kudung nong a tin yising ízos iriri'me.

aMatiyu 3:2

Ne a fe̱ ye, “Shishing yin kuse yin, kamok rigwo̱m kaza m be̱ bubarak.”

1 aKoranti 4:5

Kamok anong tu te̱n yin akak amok kum ne izen'e ruresek baꞌ. Won yin ma Agwo̱m Ágwo̱m yir aYeso be̱. Wu ne a tà be̱ te̱s ike̱re̱ i ta se nawhi ne a tonong ike̱re̱ i ta se kaye̱e̱r aye̱ ánerawe. Nizen iyong ne koangan tà shan nakerek wu nufe Adakunom.

aMatiyu 25:14

“Rigwo̱m kaza ta se kyo̱ndi aner akak a ta be nutseng, yong a yis áfe itomong wu nong a tú ku no̱o̱k ba itso̱m.

aMatiyu 13:52

Ayong aYeso fe̱ be ba ye, “Kamok anong, koangan aner kubo̱so̱p Itsi aya a ta mu ku tak itak rigwo̱m kaza se kyo̱ndi atekasa a tana turung ike̱re̱ izen be ifas wu tan tusung nong a tin nye itomong.”

aMatiyu 13:33

A bun a tu nye ba kumaas kukak gbak ye, “Rigwo̱m kaza se kyo̱ndi ayisti aya abining akak tá sok a tin gung be amudu ataar afe ikpe alikama ma alikama'me dorok a ta te cip.”

aMatiyu 13:31

aYeso bun a tú ku nye ba kumaas kukak ye, “Rigwo̱m kaza se kyo̱ndi ica amusta anerawe tá sok a ta tuus riko̱ wu.

aMatiyu 25:1

“Nizen iyong rigwo̱m kaza ta se kyo̱ndi nanamang kuso̱k na tá sok apitila ba nong á ta tseng á ta sen shan aner akak a tá sok abining afas.

aMatiyu 7:24

“Kamok anong, koangan afe a ta fok rife̱ mi na, a ti nye itomong, a ta se kyo̱ndi aner rino̱k aya a ta be ritseng, aya a tá no̱k kasa wu natoon agudong.

aMatiyu 18:24

Nizen iya a ta san kufa'me a tu be̱e̱n aner akak wu tú ku kuus itso̱m atalen izungu kuso̱k (10,000).