15 “Ke aronyining wan ta ka nye rine̱n, ne wan tseng nufu awan yin afa nong ta su ku tak rine̱n wu. Ke a fok rife̱ wan, i nye ye, wan tu bun be aronyining wan niren.
Naka tsesek yin be áfudang yin, ke akak kaye̱e̱r yin nye afudang wu rine̱n ne a ku re̱ng'e. Naka re̱ng yin rine̱n yin kyo̱ndi Agwo̱m Ágwo̱m ta ka nye yin'e.
Ároneng, ke yin se̱ yin akak afe a ta yiir kunye rine̱n, yin áfe i ta nye yin afe Kabik, ku bun yin be wu niren kaye̱e̱r awhiwhe̱, amma sak yin riye̱ be rice yin, ke anong baꞌ, yin gip ta bun tin no̱ yin kaye̱e̱r rine̱n'e.
Yin ányining iwe̱ne̱ng, yin gip, kuus yin ike̱ng iya átek yin ta fe̱ be yin, nong ke ákak ba kuse áya sang á tá min no̱o̱k katsak rife̱ Adakunom baꞌ, kashim kuse ányining ba tà sak á tin no̱o̱k katsak sang ma akak fe̱ ike̱ng ikak be ba baꞌ.
Ke yin nye yin anong, i nye ye yin nye yin áronyining yin áya kuto̱ro̱ng ba tan kpa agap baꞌ rine̱n. Yin, ne i sak yin ba ta kpa. I nye ye yin nye yin aKiristi rine̱n gip.
Mi ta nye yin izibir na gye̱rtatan, sang i se ye mi daam be aner aya a ta taam baꞌ, ka aner aya a tú ku man baꞌ. Amma mi zibir nong ta ka tonong yin kanang ye Adakunom ren ye yin no̱o̱k yin rice yin kamok yir dide̱ng.
Kyo̱ndi yir tá tsang i fe̱ yir, ne i bun i ka zhe̱she̱k yin ye, sang akak tu beseng afudang riye̱ baꞌ, ka a tu ku nye ike̱ng ikak imaan'e baꞌ, kamok Agwo̱m Ágwo̱m yir ne a ta to̱ áner kuri ayong amok.