aMatiyu 18:10 - Izere New Testament

¹⁰ “Sak yin riye̱ sang yin tu zhe̱e̱sh yin azining kaye̱e̱r azhizhe̱k'e na baꞌ, kamok mi kun ka tak yin ye, ámaleka ba kaye̱e̱r kaza yiir iye̱re̱k kanyisi Ada mi a ta se kaye̱e̱r kaza.

aMatiyu 18:10 Referans Kwoze

Ibrani 1:14

Ámaleka cice̱r nye nabik naya na ta nye áner á ta se̱ kashesh itomong.

aLuka 16:22

“Katuk kakak aLazarus'e ku, yong ámaleka tú sok nong á tá tseng be wu nufe Ibrahim naro̱ kayiik'e. Arum ame ma ku gip, yong a tú ne̱r.

aMatiyu 24:31

A ta tom ámaleka wu nong á ta fe̱e̱p rigba ri ta wo̱ng dide̱ng ne á tusung aya a tá kasa nikes kazatse inaas, nikes kuyu ma nigang kazatse.

aLuka 1:19

Ne amaleka'me fe̱ be wu ye, “Mi ne i nye aGyebel. Mi se nasho̱o̱n Adakunom. A min tom nufuan nong tà ka tak Rife̱ Ritek na.

aMatiyu 18:14

Anong ne Ada yin aya a ta se kaye̱e̱r kaza shim, azining kaye̱e̱r inoon nazhizhe̱k'e na ta wei baꞌ.

aMatiyu 18:6

“Ke aner akak sak azining kaye̱e̱r azhizhe̱k'e na, aya a tá min no̱o̱k katsak natoon'i, ta nye rine̱n, i tu ku nar a tu ku roos agbang kuta ako̱ nong a tu ku barak kaye̱e̱r agbang kudung tsik.

aMatiyu 2:19

Nizen aHiridus tá ku, amaleka Adakunom be̱ nufe aYusufu na aMasar kaye̱e̱r nabos ye,

aMatiyu 2:13

Nama átsen ame tú ku bun, amaleka Adakunom be̱ nufe aYusufu kaye̱e̱r nabos, a tá fe̱ be wu ye, “Dorok, sok igon'e be anyining'e nong tá teng tá be yin ni iben aMasar. Sor yin azong ma izen iya ne mi fe̱ be wan, kamok aHiridus tá tse̱r igon'e nong a tá fe̱r.”

aMatiyu 1:20

A tá se kaye̱e̱r kanye̱k kayong, iyong amaleka Adakunom be̱ nufu kaye̱e̱r nabos nong a tá fe̱ be wu ye, “aYusufu, igon aDauda, sang tu fok inyim kuso̱k aMarya kanamang kusam wan baꞌ, kamok kafa wu'me nye kafe Kabik Kazhe̱l'e.

1 aTasalonika 4:8

Kamok anong ke aner aya ne a gaar rife̱ na, sang a gaar anerawe baꞌ, amma a gaar Adakunom, aya a ta ka no̱o̱k yin Kabik wu Kazhe̱l'e.

1 aKoranti 11:22

Yin be yin nasa tana yas yin ne i so̱ yin kaye̱e̱r'e aꞌa? Ka yin zhe̱e̱sh yin karo̱ kuya Adakunom iben ne i tes yin áfe rizor kaye̱e̱r isum e̱? To̱, akye̱ ne mi ta fe̱ be yin e̱? I ka nye yin adazha a? Wayo, i ta te anong cie̱k baꞌ.

1 aKoranti 16:11

Kamok anong, akak tu ku zhe̱e̱sh baꞌ. Ku te yin niren caang nong ase̱ a ta bun a be̱ nunaan, kamok mi sen tor kube̱ wu mak be ároneng ákak.

aRom 14:10

Wan ne̱? Akye̱ sak wan to̱ afudang wan amok e̱? Ka akye̱ sak wan zhe̱e̱sh afudang wan e̱? Yir cice̱r tà nyeseng yir nasho̱o̱n itsik rigwo̱m Adakunom.

Itomong Ámanzo 27:23

Natuk nashirim amaleka Adakunom akak, aya mi ta sor afu ne i ku nye itomong, be̱ a nyeseng nukim'i.

Itomong Ámanzo 12:23

Zizirik amaleka Agwo̱m Ágwo̱m sak kuro̱k tú ku yiir aHiridus kamok a tá shim ánerawe tú ku tiyiik ne á nar Adakunom.

Itomong Ámanzo 12:15

Ayong ánerawe'me fe̱ be wu ye, “Wan tse̱r ta ririm a?” Kanamang'e yiir'e karkar ye aner'e nye aBitrus. Ayong ba fe̱ ye, “Aner'e ta nye amaleka wu gak ayi.”

Itomong Ámanzo 10:3

Katuk kakak, nabas itso̱m itaar nunom, a di amaleka Adakunom akak kyo̱ndi nabos, a be̱ nufu, a tá fe̱ be wu ye, “aKoneliyus.”

Itomong Ámanzo 5:19

Amma natuk amaleka Agwo̱m Ágwo̱m be̱ a tá ka karak ba kanukutu itso̱m'e, a tá ka tun ba nufang,

1 aTimoti 4:12

Sang tu won akak ta ka zhe̱e̱sh ye kamok wan ta ru nye acam baꞌ, amma sak riye̱ be rife̱ wan be kuri kutseng wan ne kuri kushim wan be kuno̱o̱k katsak wan ne kuse zhe̱l wan nong ase̱ wan ta sor ike̱ng kumaas nufe áfikuus.

1 aKoranti 9:22

Nizen iya mi ta se be áner aya a ta be agap nabik baꞌ, mi sok rice mi kyo̱ndi aner a ta be agap nabik baꞌ, nong ase̱ ta ko̱ro̱k aye̱ ba. Mi kirik kuse nasho̱o̱n iriri ánerawe nong ase̱ ta nye koakye mi tana kyem i nye nong ta shesh ákak ba.

aRom 15:1

Yir afe kuno̱o̱k katsak yir ta be agap won i tu tobok yir aya a ta be agap nabik baꞌ, sang i tu nye yir ike̱re̱ iya i tin se yir gye̱r tsek baꞌ.

aRom 14:21

I nar ta gaar kuya rinam ka kuso̱ ashi anap, ka ta nye ike̱ng ikak i tana sak afudang wu tana kpa.

Ike̱ng a ta tonong aYohana 8:2

Iyong mi di ámaleka kanataar ame á ta nyeseng nasho̱o̱n Adakunom, a tá ka no̱o̱k ba agba kanataar.

aGalati 6:1

Ároneng, ke yin se̱ yin akak afe a ta yiir kunye rine̱n, yin áfe i ta nye yin afe Kabik, ku bun yin be wu niren kaye̱e̱r awhiwhe̱, amma sak yin riye̱ be rice yin, ke anong baꞌ, yin gip ta bun tin no̱ yin kaye̱e̱r rine̱n'e.

2 aKoranti 10:10

Kamok ákak fe̱ ye, “Afumung wu ro̱ ne a be agap, amma ke wan tu di a tas aner a tana kyem a fe̱ ike̱ng ikak be agap anong baꞌ.”

2 aKoranti 10:1

Mi aBulus be rice mi, mi ta nye yin izong, mi aya ánerawe ti sok ye, “Aner kumees rice” ke mi se mak be yin, amma “Aner ku firik ánerawe” ke mi se be yin baꞌ. Mi ta nye yin izong kaye̱e̱r kumees rice be kuse kutatan aKiristi,

aLuka 10:16

“Aner aya a ta ka fok yin kuto, i nye ye a ti fok. Aner aya a ta ranyin, i nye ye a ti ramin. Aya a ti ramin, i nye ye a rawu aner aya a tin tom.”

aMatiyu 12:20

A tà bur ike̱ng i tan te gordok baꞌ, ko a tà riming kuro̱ng kuya ku tan be̱ barak ku ta ku baꞌ, ma katsak'e wuruk kanang.

Ibrani 9:24

Kamok sang aKiristi no̱ naro̱ itomong atsi anerawe ta nye i tá tas ife kaza baꞌ. A no̱ kaye̱e̱r kaza, azong ne a se nasho̱o̱n Adakunom kamok yir.