aMatiyu 17:20 - Izere New Testament

²⁰ aYeso fe̱ be ba ye, “Kamok kuno̱o̱k katsak yin gop baꞌ. Won ta ka tak yin katsak'e, ke a fa fe̱ ye kuno̱o̱k katsak yin se hiir kyo̱ndi ica amusta ke yin kyem i fe̱ yin be kawhanang na ye, ‘Dorok aze ta be aza,’ ka tà dorok. Ike̱ng ikak tà ka gaar yin kunye baꞌ.”

aMatiyu 17:20 Referans Kwoze

aLuka 17:6

Iyong Agwo̱m Ágwo̱m'me fe̱ be ba ye, “Yin fa be yin kuno̱o̱k katsak hiir kyo̱ndi ica naya a ta yis ye amusta, ke yin fe̱ yin be agbang kakon na ye, ‘Wuruk be atsip wan nong ta se nyeseng kaye̱e̱r agbang kudung,’ ka ta kuus ike̱ng iya yin tá fe̱ yin.”

aMarkus 11:23

Katsak ne mi ta ka tak yin, koangan ne a fe̱ be rifan na ye, ‘Dorok nong ta se kpa kaye̱e̱r agbang kudung’ sang be agak riye̱ baꞌ, amma be riye̱ rizining ike̱ng iya wu ta fe̱ ye i ra nye, i tà nye.

aLuka 18:27

Ne aYeso fe̱ be ba ye, “Ike̱ng iya i ta nar agap ánerawe, i nar agap Adakunom baꞌ.”

aLuka 1:37

Kamok ike̱ng ikak nar agap Adakunom baꞌ.”

aMatiyu 21:21

aYeso fe̱ be ba ye, “Katsak'e ne mi ta ka tak yin, yin gip ke yin no̱o̱k yin katsak sang ke riye̱ yin se gak baꞌ, yin ta kyem i nye yin ike̱ng iya i ta nar iya mi tá nye be ritin atafo na, yin ta kyem fe̱ yin be rifan na ye, ‘Dorok ta se kpa kaye̱e̱r agbang kudung,’ ku tà nye anong.

aMarkus 9:23

Ayong aYeso tú ku rip ye, “Wan di ane̱, wan ta fe̱ ye, ‘Ke wan ta kyem e̱?’ Koakye ike̱ng nye ife kunye nufe aner aya a ta no̱o̱k katsak.”

1 aKoranti 13:2

Ko mi fa nye kuzarap, ne i ren koakye ike̱ng iya i ta se nune̱re̱ng, ne i be kukyem kuren koakye ike̱ng, ne ko mi fa be kuno̱o̱k katsak dide̱ng ma i kyem i fe̱ be rifan ye tseng aza ne ri tseng, amma sang ke mi ra be kushim baꞌ, to̱, i nye ye mi nye ike̱ng ikak baꞌ.

aMatiyu 13:31

aYeso bun a tú ku nye ba kumaas kukak ye, “Rigwo̱m kaza se kyo̱ndi ica amusta anerawe tá sok a ta tuus riko̱ wu.

aYohana 11:40

Ayong aYeso fe̱ be wu ye, “Mi di ye, mi tsang i ka tak ye, ke wan ti no̱o̱k katsak, wan tà di kuyiik Adakunom a?”

aMarkus 4:31

Ri se kyo̱ndi ica kakon a ta yis ye, amusta i ta nye i hiir'e kaye̱e̱r ica nakon kazatse na a ta tuus

Ibrani 3:19

Kamok anong, yir ren yir ye á kyem á no̱ baꞌ, kamok kuwon dar kuno̱o̱k katsak ba.

aMatiyu 17:17

Ayong aYeso fe̱ be wu ye, “Kaꞌ yin ánerawe izam na i tá shonong yin, yin be yin kuno̱o̱k katsak baꞌ. Ma ane̱ ne mi ta sor mak be yin e̱? Ma ane̱ ne mi ta naka mak tsesek be yin e̱? Be̱e̱n yin be acam'me aze.”

1 aKoranti 12:9

Akak a tu ku no̱o̱k kunang kuno̱o̱k katsak. Ne akak kunang kusak áfe iro̱k ta te atser.

aMatiyu 17:9

Nizen iya á tá sen tisik natoon kawhanang ame, aYeso tu ku kpam ba ye, “Sang yin tú tak yin akak ike̱ng iya yin tá di yin na baꞌ, ma ke a dorok Igon Anerawe nure̱k nizham.”

aMatiyu 8:26

Ayong aYeso fe̱ be ba ye, “Yin áfe kuno̱o̱k katsak yin ta gop baꞌ, akye̱ sak yin be yin inyim anong e̱?” Ayong a dorok a ta tigba kuwun be agung ashi'me ne karo̱ wor ka te win.

aMatiyu 17:19

Ayong álimazhiri'me be̱ nufe aYeso kyo̱o̱n nong á tú ku rip ye, “Akye̱ sak yir kyem i tun yir amaan kabik'e baꞌ e̱?”

aMarkus 11:22

Ne aYeso fe̱ be ba ye, “Ni no̱o̱k yin katsak na Adakunom.

aMatiyu 14:29

aYeso fe̱ be wu ye, “Be̱.” Ayong aBitrus wuruk kaye̱e̱r kukpara ashi'me a ta san kutseng natoon ashi ame a be nufe aYeso.