aMatiyu 17:17 - Izere New Testament

¹⁷ Ayong aYeso fe̱ be wu ye, “Kaꞌ yin ánerawe izam na i tá shonong yin, yin be yin kuno̱o̱k katsak baꞌ. Ma ane̱ ne mi ta sor mak be yin e̱? Ma ane̱ ne mi ta naka mak tsesek be yin e̱? Be̱e̱n yin be acam'me aze.”

aMatiyu 17:17 Referans Kwoze

aMatiyu 6:30

Ke i nye ye Adakunom nye agam iwe̱ng izem anong, aya a ta di katuur amma natson ne a te kaye̱e̱r kuro̱ng shita yin a? Yin áfe sang kuno̱o̱k katsak yin ta gop baꞌ.

Itomong Ámanzo 13:18

A ti sak riye̱ natoon ba nizen á ta se kaye̱e̱r katse ma á te aye̱ iso̱k inaas.

aMarkus 16:14

Nama aYeso tin wuruk na álimazhiri wu kuso̱k be azining nizen á ta sen ya naya. A tú zhe̱e̱r ba, kamok ku won dar kuno̱o̱k katsak ba ne kushonong ba á tá gaar ku nino̱o̱k katsak rife̱ áya a tú ku di nama wu tá dorok baꞌ.

aMarkus 9:19

Ayong aYeso fe̱ ye, “Kaꞌ. Yin ánerawe izam na, i ta won dar i no̱o̱k yin katsak, mi ta sor ma ane̱ nong tana ka tsesek be yin e̱? Be̱e̱n yin igon'e aze.”

aMatiyu 13:58

A nye itomong azhing dide̱ng azong baꞌ, kamok kuwon dar kuno̱o̱k katsak ba.

aMatiyu 8:26

Ayong aYeso fe̱ be ba ye, “Yin áfe kuno̱o̱k katsak yin ta gop baꞌ, akye̱ sak yin be yin inyim anong e̱?” Ayong a dorok a ta tigba kuwun be agung ashi'me ne karo̱ wor ka te win.

aYohana 20:27

Ne a fe̱ be aToma ye, “Te kaban kubo̱k wan aze na atas kubo̱k'i, ye̱re̱k ibo̱k'i, te kubo̱k wan aze naro̱ a tin tubuk. Ni no̱o̱k katsak, tá won agak riye̱.”

aLuka 24:25

Ne aYeso fe̱ be ba ye, “Yin áfunam ákak, akye̱ kuri aye̱ ne yin be yin i ta won dar i ni no̱o̱k yin katsak nike̱re̱ áner kuzarap Adakunom tá fe̱ e̱?

aLuka 9:41

Ayong aYeso fe̱ ye, “Kaꞌ. Yin ánerawe izam na, I ta shonong ne i won dar i no̱o̱k yin katsak, mi ta sor ma ane̱ nong tana ka tsesek be yin e̱? Be̱e̱n igon wan'e aze.”

aMatiyu 16:8

aYeso tá ren ike̱ng ba ta sen ninye ibo̱ro̱ng natoon'e, yong a fe̱ be ba ye, “Yin áfe kuno̱o̱k katsak yin ta gop baꞌ, akye̱ sak yin sen fe̱ yin natoon abiredi e̱?

aMatiyu 17:16

Mi tseng be wu nufe álimazhiri wan, amma ko ba kyem á tú ku sak a tá te atser baꞌ.”

aMatiyu 17:18

Ayong aYeso zhe̱e̱r amaan kabik ame ne ka wuruk kaye̱e̱r igon ame. Ne igon ame wor ka te katser.

Itomong Ámanzo 2:40

Ayong a fe̱ rife̱ gaan be ba ne a ka ko̱ro̱k ba kuto ye, “Shesh yin ace yin kaye̱e̱r amaan kunye kazatse na.”

2 aKoranti 11:1

Mi mok ye yin tana ka tsesek yin be mi kaye̱e̱r rifunamꞌi. Ni barang yin kutsesek anong.