aMatiyu 16:8 - Izere New Testament

⁸ aYeso tá ren ike̱ng ba ta sen ninye ibo̱ro̱ng natoon'e, yong a fe̱ be ba ye, “Yin áfe kuno̱o̱k katsak yin ta gop baꞌ, akye̱ sak yin sen fe̱ yin natoon abiredi e̱?

aMatiyu 16:8 Referans Kwoze

aMatiyu 6:30

Ke i nye ye Adakunom nye agam iwe̱ng izem anong, aya a ta di katuur amma natson ne a te kaye̱e̱r kuro̱ng shita yin a? Yin áfe sang kuno̱o̱k katsak yin ta gop baꞌ.

aMatiyu 14:31

aYeso wor a nabak kubo̱k zizirik a tú ku ko̱ro̱k. Ne a fe̱ be wu ye, “Wan afe kuno̱o̱k katsak wan ta gop baꞌ. Akye̱ sak riye̱ wan se gak e̱?”

aMarkus 16:14

Nama aYeso tin wuruk na álimazhiri wu kuso̱k be azining nizen á ta sen ya naya. A tú zhe̱e̱r ba, kamok ku won dar kuno̱o̱k katsak ba ne kushonong ba á tá gaar ku nino̱o̱k katsak rife̱ áya a tú ku di nama wu tá dorok baꞌ.

aMatiyu 8:26

Ayong aYeso fe̱ be ba ye, “Yin áfe kuno̱o̱k katsak yin ta gop baꞌ, akye̱ sak yin be yin inyim anong e̱?” Ayong a dorok a ta tigba kuwun be agung ashi'me ne karo̱ wor ka te win.

Ike̱ng a ta tonong aYohana 2:23

Mi tà fe̱s inoon wu cei nong ase̱ áfikuus cice̱r tà ren ye, mi ne i nye afe kuye̱re̱k aye̱ ánerawe be kuto̱ro̱ng ba cei. Mi tù ku karang koangan yin tite̱re̱ be itomong wu.

Ibrani 4:13

Ike̱ng ikak kuse nune̱re̱ng nazatse nasho̱o̱n Adakunom baꞌ. Koakye ike̱ng se de̱s, i se kanang nasho̱o̱n wu. Nasho̱o̱n wu ne i ta nyeseng yir nong tà taas yir koakye ike̱ng i tá nye yir.

aYohana 16:30

Kyo̱o̱rna ne yir ma ren yir ye wan ren koakye, sang ma akak tá rip baꞌ. Iyuna sak yir ti no̱o̱k yir katsak ye wan ne nufe Adakunom.

aMatiyu 16:7

Ne á san ibo̱ro̱ng awan ba ye, “Ka kamok yir ta be yir abiredi baꞌ e̱?”