aMatiyu 16:28 - Izere New Testament

²⁸ Won ta ka tak yin katsak'e, ákak kaye̱e̱r yin aze ta tsang á kus baꞌ, ma á di Igon Anerawe ta saase kyo̱ndi Agwo̱m kaye̱e̱r kuyiik wu.”

aMatiyu 16:28 Referans Kwoze

aLuka 9:27

Katsak'e ne mi ta ka tak yin, ákak áfe a ta se aze tà tsang á kus baꞌ, ma á di rigwo̱m Adakunom nizham.”

aMarkus 9:1

A bun a fe̱ be ba ye, “Katsak'e ne mi ta ka tak yin, ákak afe a ta se aze tà tsang á kus baꞌ, ma á di rigwo̱m Adakunom be̱ be kukyem nizham.”

aYohana 8:52

Ayong áner aYahuda'me fe̱ be wu ye, “Kyo̱o̱rna yir ren yir ye wan be amaan kabik! Ibrahim be áner kuzarap Adakunom gip á kus, ne wan ra fe̱ ye, ‘Aner aya a ta ka kuus a tà ku baꞌ.’

aMatiyu 26:64

aYeso fe̱ be wu ye, “Ei, i se kyo̱ndi wan tá fe̱'ong. Amma mi fe̱ be yin ye, nasho̱o̱n yin tà di yin Igon Anerawe nusonong nubo̱k riya Atek kukyem, ne i ku di yin a ta saase kaye̱e̱r ane̱n.”

aMatiyu 10:23

Ke á ta tabak yin nuwo̱p kukak, to̱, ne yin teng yin ta be yin kaye̱e̱r kuwo̱p kukak. Katsak'e ne mi ta ka tak yin, nizham yin tà ra gang yin kugorok iwo̱p Isarela cice̱r Igon Anerawe ta tsang ka be̱.

aLuka 2:26

Kabik Kazhe̱l'e tsang ka ku tonong ye sang wu tá tsang a ku baꞌ, ma a di aKiristi'me, aya Agwo̱m Ágwo̱m tá kasa.

aMarkus 13:26

“Nizen iyong ne ánerawe tà di Igon Anerawe ta saase kaye̱e̱r ane̱n be kukyem dide̱ng ne kuyiik.

Ibrani 2:9

Amma ike̱ng iya yir ta ye̱re̱k yir nye aYeso, aya a ta tsang a ni raar na ámaleka, amma kyo̱o̱rna a tu ku no̱o̱k kuyiik be rigwo̱m kamok a so̱ risam riku nong se ritek Adakunom ta fok risam riku kamok koangan.

aMatiyu 24:3

Nizen iya aYeso ta se nusonong natoon Kawhanang Nafar, yong álimazhiri wu be̱ nufu awan ba nong á ta fe̱ be wu ye, “Ni tak yir, na akye̱ izen ne ike̱re̱ na tà nye e̱? Akye̱ ne i nye ike̱ng i tana tonong ye izen kube̱ wan n be̱ bubarak ne izen kazatse tana gang e̱?”

1 aTasalonika 1:10

ne i tor yin izen kube̱ Igon wu a tana ne naza. Adakunom tú ku dorok be kutser, wu ne a nye aYeso aya a tanin shesh yir kaye̱e̱r riye̱ kubeseng ri tà saase.

aMatiyu 24:42

“Kamok anong, sor yin be kanye̱k kamok yin ren katuk Agwo̱m Ágwo̱m'me tana be̱ baꞌ.

aLuka 18:8

Won ta ka tak yin, a tà di ma ba se̱ katsak ba ta shim zizirik. Ke Igon Anerawe be̱, a tà se̱ áfe kuno̱o̱k katsak nazatse a?”

aMatiyu 8:20

aYeso fe̱ be wu ye, “Áromong be ibong á tin no̱o̱s ne nanon be are̱, amma Igon Anerawe be karo̱ a tanin sak rice wu baꞌ.”

aMatiyu 16:13

Nizen aYeso tá no̱ niben aKaisariya aFilipi, yong a rip álimazhiri wu ye, “Ánerawe fe̱ ye, mi, Igon Anerawe, mi nye angan e̱?”

aMatiyu 24:34

Katsak'e ne mi ta ka tak yin, ánerawe izam na ta kus baꞌ, ma a nye ike̱re̱ na cei nizham.

aMarkus 8:38

Koangan afe a ta fok isum mi be rife̱ mi, nizen iyu ife sang a ta be katsak baꞌ, be kunye rine̱n dide̱ng, Igon Anerawe ta fok isum wu nizen iya a tana be̱ kaye̱e̱r kuyiik Ada wu ne kufe ámaleka Azhe̱l'e.”

aYohana 8:51

Katsak'e ne mi ta ka tak yin, aner aya ne a kuus rife̱ mi, a tà ku baꞌ sam.”

aYohana 21:22

Amma aYeso fe̱ be wu ye, “Ke mi tú ku shim be anong a ta sor be kutser ma izen iya mi tana bun i be̱, akye̱ wan azong e̱? Wan ni kuus tsek.”

Itomong Ámanzo 1:11

Ayong áner'e fe̱ ye, “Yin áner aGalili, kamok akye̱ yin nyeseng yin i ta ye̱re̱k yin kaza e̱? aYeso a tú ku sok nufe yin na a ta tseng naza, a tà bun a be̱ ana kyo̱ndi yin ta di yin a tá tseng kaye̱e̱r kaza.”

1 aKoranti 15:23

Koangan nizen ifu, aKiristi afe ime̱se̱ng'e a tu ku dorok, nama nizen iya a tana be̱, áfe a tú ku kuus, a tù ku dorok ba.

aYakub 5:7

Ároneng, kamok anong na ka tsesek yin ma nizen kunom tana be̱. Yin di yin aner ikap ta tor riko̱ ta te naya natek be a ta na ka tsesek kum be iza kushik ma ishamang.

2 aBitrus 1:16

Nizen iya yir tá ka taas yin itak kukyem ne kube̱ Agwo̱m Ágwo̱m yir aYeso Kiristi, sang yir tá taas yin atin afe kasho̱o̱n ákak tá fe̱ baꞌ. Wayo, yir di yir agbang kuyiik wu be anyisi yir.

1 aYohana 2:28

Kyo̱o̱rna inoon'i, yin aya mi ta shim, sor yin kaye̱e̱r aYeso nong ase̱ izen iya a tana bun a be̱, yir ta fok yir inyim ka isum nasho̱o̱n wu baꞌ.