aMatiyu 16:19 - Izere New Testament

¹⁹ Mi tà ka no̱o̱k akarak kanukutu rigwo̱m kaza. Ike̱ng iya ne wan ros nazatse i ta se nurosom kaye̱e̱r kaza. Ike̱ng iya ne wan bisik nazatse i ta se nubisik kaye̱e̱r kaza.”

aMatiyu 16:19 Referans Kwoze

aMatiyu 18:18

“Won ta ka tak yin katsak'e, koakye ike̱ng ne yin roos yin aze nazatse i ta se nurosom kaye̱e̱r kaza. Koakye ike̱ng ne yin bisik yin nazatse i ta se nubisik kaye̱e̱r kaza.

Ike̱ng a ta tonong aYohana 1:18

Mi ne i nye Afe Kutser! Mi tsang i ku, amma kyo̱o̱rna mi be kutser ma izen izen. Mi ne i be kukyem natoon riku ne natoon karo̱ kaya nabik áya a tan kus tu ku sor.

Ike̱ng a ta tonong aYohana 3:7

“Zibir amaleka ikilisiya aFiladefiya'me ye: Rife̱ na ne nufe aner aya a ta se zhe̱l ne a be katsak, wu ne a be agbang akarak aDauda. Ike̱ng iya wu ta karak akak ta kyem a whe̱e̱n baꞌ, ike̱ng iya wu ta whe̱e̱n akak ta kyem a karak baꞌ.

aYohana 20:23

Koangan ne yin tù ku re̱ng yin rine̱n wu, i nye ye a tù ku re̱ng'e. Koangan ne yin tu ku re̱ng yin'e baꞌ, to̱, i nye ye a mu ku re̱ng'e baꞌ.”

Ike̱ng a ta tonong aYohana 11:6

Áner afa'ong, a tu ku no̱o̱k ba kukyem nong á tin whe̱e̱n kaza fan iza bu kpa nizen ba ta sen nye kuzarap'e. Á be kukyem á tana shishing itop ashi nong a ta te naso̱k, á bun á tù ku no̱o̱k ba kukyem a tana kyem á tin no̱o̱k kazatse koakye kuri risam nizen iya ba tà shim.

2 aKoranti 2:10

Koangan afe yin tu ku re̱ng yin rine̱n wu, mi gip mi tu ku re̱ng'e. Rine̱n afe mi ta re̱ng, ke i nye ye rine̱n'e kuse mi tana re̱ng, mi re̱ng kamok yin ne nasho̱o̱n aKiristi.

Ike̱ng a ta tonong aYohana 9:1

Amaleka afe atoon fe̱e̱p rigba rifu ne mi di adar aya a ta se naza tá kpa kaben. A no̱o̱k adar'e akarak nong a tin karak ribong rikak ri ta se tsik dar igak ame.

1 aTasalonika 4:8

Kamok anong ke aner aya ne a gaar rife̱ na, sang a gaar anerawe baꞌ, amma a gaar Adakunom, aya a ta ka no̱o̱k yin Kabik wu Kazhe̱l'e.

Itomong Ámanzo 15:7

Nama á tá naka ko̱k dide̱ng ne aBitrus dorok a nyeseng nong a tá fe̱ be ba ye, “Ároneng, yin ren yin ye Adakunom ti kasa kaye̱e̱r yin gbugbang nong ta taas áner aya sang a ta nye áner aYahuda baꞌ awazi nong á tin no̱o̱k katsak.