aMatiyu 16:18 - Izere New Testament

¹⁸ Kamok anong, mi fe̱ be wan ye, wan ne i nye aBitrus natoon kuta na ne mi tin no̱k ikilisiya mi, iya sang agap riku tana kyem a canang baꞌ.

aMatiyu 16:18 Referans Kwoze

aKolosi 1:18

Wu ne a nye rice kuro̱m'e ku ta nye áfikuus cice̱r. Wu ne a nye ritin'e ne a nye ime̱se̱ng'e kaye̱e̱r áya a tá san kudorok nure̱k, nong a se̱ kaye̱e̱r koakye wu ne a ta nar be kuyiik.

aYohana 1:42

Iyong a be̱ be aSiman nufe aYeso. aYeso tú ye̱re̱k ne a fe̱ be wu ye, “Wan ne i nye aSiman igon aYohana a? A tá ka yis ye aKefas” (i ta sor aBitrus).

Ibrani 12:28

Kamok anong kum yir tanan no̱ yir kaye̱e̱r rigwo̱m riya sang a tana zuur baꞌ, won i tu tonong yir riye̱ rikan, ne iya yir Adakunom iben kyo̱ndi wu ta shim, be kuyiik ne ikap kutiim,

Itomong Ámanzo 2:47

Á tiyiik Adakunom ne á kpa kati kaseng nasho̱o̱n ánerawe cei. Agwo̱m Ágwo̱m sak áya a ta ka shesh ba ti barang kute whe̱re̱ koakye katuk.

1 aTimoti 3:15

Amma ke mi gum be̱ baꞌ, ne wan ren kuri kuse kuya ku ta se gye̱r be áner aya a tana se kaye̱e̱r kasa Adakunom tana se, á ta nye áner Adakunom afe kutser, áya ne á ta nye itsik rino̱k ne ribor katsak'e.

Afisa 5:32

Iyuna nye agbang ike̱ng i tana ro̱ yin tana ren yin, amma mi ti fe̱ natoon aKiristi be áfikuus.

Afisa 3:10

Adakunom nye anong be áfikuus nong ase̱ áfe rigwo̱m be áfe a ta nye rigwo̱m natoon kaza ta ren kukyem Adakunom kaye̱e̱r koakye.

Ike̱ng a ta tonong aYohana 21:14

A barak ribor kubar'e natoon ata kuso̱k be afa. A ti zibir ayerek ámanzo Aturuk ame kuso̱k be afa natoon'e.

Itomong Ámanzo 8:1

Ashawulu se azong, a kuus kama kufe̱r Itifanus. Katuk'ong, a tabak áfikuus dide̱ng kaye̱e̱r aUshalima, ma cice̱r á te shaam, ákak be niben aYahudiya ne ákak be niben aSamariya, ámanzo tsek ne á tú ku won

1 aTimoti 3:5

Ke anerawe kyem a ti sak riye̱ na áfekari wu baꞌ, to̱, a ta nye ane̱ a tin sak riye̱ na ikilisiya Adakunom e̱?

aGalati 2:9

aYakub be aBitrus ne aYohana áya a ta sor itsik'e ti shan be aBarnabas ibo̱k ifa nizen iya ba tá di ritek Adakunom tin no̱o̱k yir. Á shim ye yir ri tseng yir nufe áner aya a ta nye áner aYahuda baꞌ, nong ba ta tseng nufe áner aYahuda.

aMatiyu 18:17

Ke a gaar ku ka fok ba ne wan tak áfikuus; ke a bun a gaar rife̱ áfikuus'e gbak ne a ku sok kyo̱ndi afurin, aya a ta gaar kushishing kuse wu.

aMatiyu 11:23

Be wan kuwo̱p aKapanum gip, wan di ye, a ta ka te yiik ma naza a? Wayo, a ta te be wan fe̱re̱ ma naro̱ áfe a tá kus tu ku se. A fa fe̱ ye, a nye kuri itomong azhing a tá nye nufe yin kaye̱e̱r kuwo̱p aSodom, ke ku ruresek ma kyo̱o̱rna.

aMatiyu 10:2

Áyu ne á nye ayerek ámanzo kuso̱k be afa'me. Afe ime̱se̱ng'e nye, aSiman aya a tú ku yis ye aBitrus ne aronyining wu Adarawus, ne aYakub igon aZabedi be aronyining wu aYohana,

Ike̱ng a ta tonong aYohana 11:15

Ayong amaleka afe kanataar ame tá fa fe̱e̱p rigba rifu, ne a fok íto̱ íkak kanang kaye̱e̱r kaza i ta fe̱ ye, “Rigwo̱m kazatse n te rife Agwo̱m Ágwo̱m yir ne aKiristi wu, wu ne a ta nye rigwo̱m ma izen izen.”

1 aKoranti 15:55

“Wan riku, agap wan se ake̱ e̱? Wan nado̱m wan no̱ ake̱ e̱?”

aMatiyu 4:18

Nizen aYeso tá se be kutseng nukim Kudung aGalili, iyong a di aner be aronyining, aSiman a tú ku yis ye aBitrus ne aronyining wu Adarawus. Á sen te agunung ba kaye̱e̱r kudung, kamok ba nye áfe kuyising izos.

aMatiyu 7:24

“Kamok anong, koangan afe a ta fok rife̱ mi na, a ti nye itomong, a ta se kyo̱ndi aner rino̱k aya a ta be ritseng, aya a tá no̱k kasa wu natoon agudong.

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.