aMatiyu 16:16 - Izere New Testament

¹⁶ Ayong aBitrus fe̱ be wu ye, “Wan ne i nye aKiristi, Igon Adakunom afe kuter.”

aMatiyu 16:16 Referans Kwoze

aMatiyu 14:33

Áya a ta se kaye̱e̱r kukpara ashi'me tú ya iben ne á fe̱ be wu ye, “Katsak'e, wan nye Igon Adakunom.”

aYohana 11:27

Ayong aMarta fe̱ be aYeso ye, “Ei, wan nye Agwo̱m Ágwo̱m, mi ti no̱o̱k katsak ye wan ne i nye aKiristi'me, Igon Adakunom, aya a tá fe̱ ye a tà be̱ nazatse.”

1 aYohana 4:15

Aner aya a ta fe̱ ye aYeso nye Igon Adakunom, Adakunom se kaye̱e̱r wu ne wu se kaye̱e̱r Adakunom gip.

aMatiyu 27:54

Nizen ako̱k kasho̱o̱n ásozha ne ribir aya a ta se mak be wu ni itor aYeso tá fok kaben ta zuur ne ike̱re̱ cice̱r i tá nye, á fok inyim dide̱ng yong á fe̱ ye, “Katsak'e aner na nye Igon Adakunom.”

1 aTimoti 4:10

Ike̱re̱'ong ne ri sak yir ta nye yir itomong dide̱ng ne i tsesek yir kamok yir ta min te yir riye̱ na Adakunom afe kutser, Aner Kashesh ánerawe cice̱r, abanang áfe a ta min no̱o̱k katsak baꞌ.

Itomong Ámanzo 9:20

Ashawulu wor a kpaan kunye awazi aYeso kaye̱e̱r atu aduwa áner aYahuda ye aYeso nye Igon Adakunom.

1 aTasalonika 1:9

Ba be rice ba fe̱ itak kushan niren afe yin tin shan yir, nizen iya yir tá be̱ yir nufe yin, ne kuwon kukuus itsi yin tá won yin nong i tu ku bun yin Adakunom afe kutser ne afe katsak itomong,

aMatiyu 26:63

Amma aYeso te gbik. Ayong agbang atsi ame bun a fe̱ be wu ye, “Kaye̱e̱r riyerek Adakunom afe kutser, ni tak yir katsak'e, ka wan ne i nye aKiristi'e, Igon Adakunom.”

1 aYohana 5:5

Angan ta kyem a canang kazatse'me e̱? Aya a ta no̱o̱k katsak ye aYeso ne a nye Igon Adakunom tsek.

Ibrani 10:31

I nye ike̱ng inyim dide̱ng anerawe tana kpa nubo̱k Adakunom afe kutser.

aRom 1:4

Kabik Kazhe̱l'e tonong kaye̱e̱r kukyem ye wu ne a nye Igon Adakunom kamok a tú ku dorok nure̱k be kutser. Wu ne a nye Agwo̱m Ágwo̱m yir aYeso Kiristi yir.

aMarkus 14:61

Amma aYeso sor gbik, a ti sak baꞌ. Ayong ako̱k kasho̱o̱n agbang atsi ame bun a tú ku rip ye, “Iyong wan ne i nye aKiristi Igon Aner Ritek a?”

aYohana 20:31

Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.

aYohana 1:49

Iyong aNataniyel fe̱ ye, “Aner kubo̱so̱p, wan ne i nye Igon Adakunom; wan ne i nye agwo̱m Isarela.”

Ibrani 12:22

Amma yin n se̱ yin rifan aSihiyona ri ta nye aUshalima afe kaza, agbang kuwo̱p Adakunom afe kutser ne kanyim riye̱ rikan ámaleka whe̱re̱re̱.

1 aTimoti 3:15

Amma ke mi gum be̱ baꞌ, ne wan ren kuri kuse kuya ku ta se gye̱r be áner aya a tana se kaye̱e̱r kasa Adakunom tana se, á ta nye áner Adakunom afe kutser, áya ne á ta nye itsik rino̱k ne ribor katsak'e.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

2 aKoranti 6:16

Akye̱ gung agbang karo̱ kuya Adakunom iben be karo̱ itsi e̱? Kamok yir ne i nye yir karo̱ a tu ku ya Adakunom afe kutser iben, kyo̱ndi Adakunom ta fe̱ ye, “Mi ta sor be ba ne i tsang kar kaye̱e̱r ba, ne mi te Adakunom ba ne ba te ánerawe mi.”

2 aKoranti 3:3

Yin tonong yin ye yin nye yin kufumung a tá zibir ku ta ne nufe aKiristi, a ta se̱ kamok itomong yir, kuya sang a tá zibir be ike̱ng izibir baꞌ. A zibir be Kabik Adakunom afe kutser, sang natoon ape̱f kuta ne a zibir baꞌ, amma kaye̱e̱r aye̱ ánerawe.

Itomong Ámanzo 14:15

“Aro̱, akye̱ sak yin ta nye yin ana e̱? Yir gip yir nye yir ánerawe kyo̱ndi yin tsek. Yir ma ka be̱e̱n yin Rife̱ Ritek ye yin ru won yin kunye akpe̱de̱ng ike̱re̱ na nong tu ku bun yin nufe Adakunom afe kutser aya a ta nye kaza be kaben ne isho̱ng be ike̱re̱ iya i ta se kaye̱e̱r'e peer.

aMatiyu 4:3

Ishetan be̱ a tá fe̱ be wu ye, “Ke wan ne i nye Igon Adakunom, to̱, fe̱ be ata na nong á ta te abiredi.”

Itomong Ámanzo 8:36

Kaye̱e̱r kutseng, á be̱ ba naro̱ kakak ashi tú ku se ne aritek ame fe̱ be aFilibus'e ye, “Di ashi na, akye̱ ta roon ku ninye abatisma ame aze e̱?

aYohana 6:69

Yir ti no̱o̱k yir katsak ne i ren yir ye wan ne i nye Azhe̱l'e afe Adakunom.”

aMatiyu 1:16

Ne aYakub tes aYusufu a tá nye amitek aMarya aya a tá tes aYeso, aya a tú ku yis ye aKiristi.

aMatiyu 16:15

aYeso tú ku rip ba ye, “To̱, yin ne̱? Yin fe̱ yin ye mi nye angan e̱?”

aLuka 2:11

Katuur a ma ka tes yin aner kashesh nuwo̱p aDauda, wu ne a nye aKiristi, aya a ta nye Agwo̱m Ágwo̱m.

aYohana 6:57

Kyo̱ndi Ada afe kutser tin tom ne mi sor be kutser kamok Ada'me, anong ne aner aya afe a tin sok i ta te naya wu tà sor be kutser kamok'i.

aYohana 6:68

aSiman Bitrus fe̱ ye, “Atekasa, yir ta tseng yir nufe angan e̱? Wan ne i ta be Rife̱ Kutser.

2 aKoranti 1:19

Kamok Igon Adakunom, aYeso Kiristi, aya yir be aSila ne aTimoti, tá fe̱ yir itak natoon wu ye, “Ei” ka “Wayo” baꞌ, amma koakye izen a nye “Ei.”

Ibrani 3:12

Ároneng, sak yin riye̱ fan akak yin bu nye amaan kuto̱ro̱ng ne a won dar a ni no̱o̱k katsak, nong a ta won kukuus Adakunom afe kutser.

Ibrani 9:14

ke naso̱k ikewum kyo̱ndi iyong tà sak anerawe te zhe̱l shita naso̱k aYeso Kiristi a? Wu afe a tá be̱ kaye̱e̱r Kabik Kazhe̱l'e dar rizik nasho̱o̱n Adakunom, a no̱o̱k rice wu kamok rine̱n yir. A ti kam yir be ike̱re̱ iya i ta be̱e̱n riku nong i ta ya yir Adakunom afe kutser iben.

Ike̱ng a ta tonong aYohana 7:2

Ne mi di amaleka akak tá wuruk nabas kuwuruk kunom be izizo̱ kukyem Adakunom afe kutser nubo̱k wu. Ayong a ta kuto̱ be agap a tá ka no̱o̱k ba kukyem nong a ta beseng kaben be agbang isho̱ng.

Itomong Ámanzo 8:37

Amma aFilibus fe̱ be wu ye, ‘Ke wan ti no̱o̱k katsak be riye̱ wan cei ne a ka nye abatisma ame.’ Aritek ame fe̱ ye, ‘Ei, mi no̱o̱k katsak ye aYeso Kiristi ne a nye Igon Adakunom.’ ”