aMatiyu 16:13 - Izere New Testament

¹³ Nizen aYeso tá no̱ niben aKaisariya aFilipi, yong a rip álimazhiri wu ye, “Ánerawe fe̱ ye, mi, Igon Anerawe, mi nye angan e̱?”

aMatiyu 16:13 Referans Kwoze

aYohana 5:27

Ne a ku no̱o̱k iren kuto̱ amok, kamok wu ta nye Igon Anerawe.

aMatiyu 9:6

Amma mi shim yin ta ren yin ye, Igon Anerawe be kukyem a tanin re̱ng rine̱n kaye̱e̱r kazatse,” iyong a fe̱ be aner aya a tá we̱ abas azining ame ye, “Dorok tá sok ike̱re̱ kameneng wan ta be kari.”

aMatiyu 13:37

aYeso fe̱ be ba ye, “Aya a ta nas izha itek'e nye Igon Anerawe.

aMatiyu 12:8

Kamok Igon Anerawe ne ka nye Agwo̱m Ágwo̱m natoon Asabar.”

aMatiyu 8:20

aYeso fe̱ be wu ye, “Áromong be ibong á tin no̱o̱s ne nanon be are̱, amma Igon Anerawe be karo̱ a tanin sak rice wu baꞌ.”

Itomong Ámanzo 10:38

Adakunom shining aYeso a ta nye afu Nazaret be Kabik Kazhe̱l'e ne kukyem. aYeso tsang a tseng koake̱ ne a tsang a nye ritek ne a tsang a sak áner aya a tá se nubo̱k Ishetan te atser kamok Adakunom se ma be wu.

Itomong Ámanzo 7:56

Ayong Itifanus'e fe̱ ye, “Di yin, mi di kaza nukarak ne mi di Igon Anerawe tan nyeseng nubo̱k riya Adakunom.”

aYohana 12:34

Ayong ánerawe ame fe̱ be wu ye, “Yir fok yir kaye̱e̱r Itsi ye, ‘aKiristi'me tà sor ma izen izen.’ Akye̱ sak wan tá fe̱ ye, ‘A tá sok Igon Anerawe naza e̱?’ Angan ne a nye ‘Igon Anerawe'me e̱?’ ”

aMarkus 10:45

kamok Igon Anerawe be̱ nong a tu ku nye itomong baꞌ, amma nong a ta nye anerawe itomong, ne a no̱o̱k kutser wu nong a tin sheshek ánerawe whe̱re̱.”

aMarkus 8:38

Koangan afe a ta fok isum mi be rife̱ mi, nizen iyu ife sang a ta be katsak baꞌ, be kunye rine̱n dide̱ng, Igon Anerawe ta fok isum wu nizen iya a tana be̱ kaye̱e̱r kuyiik Ada wu ne kufe ámaleka Azhe̱l'e.”

aMatiyu 25:31

“Nizen iya Igon Anerawe tana be̱ kaye̱e̱r kuyiik wu mak be ámaleka cice̱r, a tà sonong na ayiik itsik rigwo̱m wu.

aMatiyu 15:21

aYeso dorok azong a tá be niben aTaya be aSidon.

aMatiyu 13:41

Igon Anerawe tà tom ámaleka wu, á tù ku tusung cice̱r áfe a ta sak ánerawe tá nye rine̱n ne áya a tà nye amaan kunye cice̱r.

aMatiyu 12:32

Koangan ne a fe̱ amaan rife̱ natoon Igon Anerawe a tù ku re̱ng'e, amma aner aya ne a fe̱ imaan'e natoon Kabik Kazhe̱l'e, a tù ku re̱ng rine̱n riyong nigaan'e baꞌ, ko kyo̱o̱rna ko nasho̱o̱n.

aYohana 3:14

Kyo̱ndi aMusa tá sok iwhen naza kaye̱e̱r katse anong ne a tá sok Igon Anerawe naza dim.

aYohana 1:51

Iyong aYeso bun a fe̱ be wu ye, “Mi ta ka tak katsak'e, wan tà di kaza nukarak, ne ámaleka Adakunom ngarak naza ne á tisik natoon Igon Anerawe.”

aMatiyu 12:40

Kyo̱ndi aZhona ta te inom itaar, katuk be kunom kaye̱e̱r kafa agbang izos, anong ne Igon Anerawe ta te inom itaar katuk be kunom kaye̱e̱r iben.

aMatiyu 16:27

Kamok Igon Anerawe tà be̱ be kuyiik Ada wu ne kufe ámaleka nong a tà no̱o̱k koangan ishorong itomong wu.

aMatiyu 16:28

Won ta ka tak yin katsak'e, ákak kaye̱e̱r yin aze ta tsang á kus baꞌ, ma á di Igon Anerawe ta saase kyo̱ndi Agwo̱m kaye̱e̱r kuyiik wu.”