aMatiyu 15:32 - Izere New Testament

³² aYeso yis álimazhiri wu a tá fe̱ be ba ye, “Mi fok kuro̱ riye̱ ánerawe na kamok ba n te inom itaar be mi, á be ike̱ng kuya baꞌ. Mi shim tu ku te ba niren anong be izong baꞌ. Ke anong baꞌ á ta te gbe̱re̱k niren.”

aMatiyu 15:32 Referans Kwoze

aMatiyu 9:36

Nizen aYeso tá di ánerawe whe̱re̱, a ro̱ riye̱ ba, kamok á se nudaam, á be akak a tana ka tobok ba baꞌ. Á se kyo̱ndi itsamang dar afek.

Itomong Ámanzo 27:33

Kadiding tá fa be̱ barak ka ta karak, yong aBulus tú ku nye ba izong ye, á ra yas. A fe̱ ye, “Katuur kuko̱s kuso̱k be anaas na kum yin be aye̱ naza dar kute ike̱ng ikak nanu.

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

aLuka 7:13

Nizen aYeso tá fa ku di, ne a ro̱ riye̱ wu, yong a fe̱ be wu ye, “Sang tu tos baꞌ.”

aMarkus 9:22

In me̱ ne i ku barak nuro̱ng be nashi nong i tu ku fe̱r. Ke wan ta kyem i nye ike̱ng ikak ne, fok kuro̱ riye̱ yir nong tin se̱ mo yir.”

aMatiyu 27:63

Á tá fe̱ be wu ye, “Kunom ra be rigwo̱m, yir ru yiring yir be ike̱ng aner abo̱o̱s ame tá fe̱ kum ne a rusek be kutser ye nama inom itaar a ta bun a dorok be kutser.

aMatiyu 20:34

aYeso fok kuro̱ riye̱ ba, yong a ra anyisi ba. Nizen izining, anyisi ba wor á karak á di karo̱ ne á kuus aYeso'me.

aMatiyu 12:40

Kyo̱ndi aZhona ta te inom itaar, katuk be kunom kaye̱e̱r kafa agbang izos, anong ne Igon Anerawe ta te inom itaar katuk be kunom kaye̱e̱r iben.

aMatiyu 14:13

Nizen aYeso tá fok itak'e, iyong a dorok azong a tá no̱ nukpara ashi a tá be naro̱ kakak wu ze̱r. Ánerawe tá fok anong ye, á won kuwo̱p'e ayong á tú ku kuus be atak.

aMatiyu 15:33

Iyong álimazhiri wu fe̱ be wu ye, “Ake̱ ne yir ta se̱ yir naya aze katse na nong ta no̱o̱k yir rigwo̱m ánerawe kuri riyu e̱?”