aMatiyu 15:27 - Izere New Testament

²⁷ Abining'e fe̱ be wu ye, “I se anong gye̱r, Atekasa, amma ágabu kyem á ya naya atekasa ba nafe na ta kpas kaben.”

aMatiyu 15:27 Referans Kwoze

Afisa 3:8

Mi ne i ti raar dide̱ng kaye̱e̱r ánerawe Adakunom cice̱r gye̱r tatan, gip be anong a ti no̱o̱k ritek na nong ta taas áner aya a ta nye áner aYahuda baꞌ, kuri kurum aKiristi kuya sang ku ta be igak baꞌ,

aLuka 16:21

A shim ke a ya naya arum'e naya na ta kpas kaben. A se ma ágabu be̱s nong á ta re̱s ifor wu.

aRom 10:12

Kamok áner aYahuda be áya sang a ta á nye áner aYahuda baꞌ se ze̱e̱r baꞌ. Agwo̱m Ágwo̱m'me se azining, a ti nye rigwo̱m natoon koangan, ne a no̱o̱k koangan afe a ta yis kaye̱e̱r riyerek wu kurum wu washak,

aRom 3:29

Ka Adakunom nye Adakunom áner aYahuda tsek a? Aser, a nye Adakunom áfe áya sang á ta nye áner aYahuda baꞌ gip aꞌa? Ei, a nye áfe aya sang a ta nye áner aYahuda baꞌ gip,

aLuka 18:13

“Amma afe ku shashang itso̱m iben ame nyeseng gugo̱k, a kyem a sok anyisi naza baꞌ, a korok ibo̱k nafok a tá fe̱ ye, ‘Adakunom, ro̱ riye̱ mi, mi nye afe rine̱n.’

aMatiyu 8:8

Ayong ako̱k kasho̱o̱n ame fe̱ ye, “Mi kyem afe wan tana be nasa mi baꞌ, fe̱re̱ng tsek asam mi tà te atser.

aMatiyu 5:45

Kamok be nong ne yin tà te yin inoon Ada yin afe a ta se kaye̱e̱r kaza. Wu no̱o̱k ámaan anerawe ne áner atek akanang kunom cice̱r, ne a nyesek iza natoon ánerawe wu áya a ta be kuse kutek be áya a ta nye amaan'e.

aRom 3:4

Ko cie̱k, i se anong baꞌ. Adakunom ne a nye afe katsak dim; ánerawe be abo̱o̱s. Kyo̱ndi i ta se kaye̱e̱r izibir ye, “Nong ase̱ a ta ren ye, wan be katsak ke wan fe̱ kanu Ne wan tonong kanang ye wan nye aner katsak nizen iya a ta sen ka to̱ amok.”

Afisa 3:19

Ne yin ren yin kushim aKiristi kuya ku ta gor agap kuren anerawe nong ase̱ ta shining yin be kunik kuse Adakunom dide̱ng.

aRom 3:19

Yir ren yir ye, koakye ike̱ng iya Itsi ta fe̱, i ti fe̱ natoon áner aya Itsi tin nye itomong natoon ba, fan ákak bu se̱ ike̱ng iya a tana fe̱, ne amok Adakunom se natoon kazatse cice̱r.

aMatiyu 15:26

aYeso fe̱ be wu ye, “I se gye̱r a ta sok naya inoon nong a ta no̱o̱k ágabu baꞌ.”

aMatiyu 15:28

Ayong aYeso fe̱ be wu ye, “Anyiningkasa, kuno̱o̱k katsak wan se gaan. Ike̱ng wan ta shim a tà ka nye'me.” Nizen iyong angas wu ame wor a te atser.

aMarkus 7:28

Abining'e fe̱ be wu ye, “Ei, anong gye̱r, Atekasa, amma agabu gip a ya ribir naya inoon.”