aMatiyu 15:26 - Izere New Testament

²⁶ aYeso fe̱ be wu ye, “I se gye̱r a ta sok naya inoon nong a ta no̱o̱k ágabu baꞌ.”

aMatiyu 15:26 Referans Kwoze

aMatiyu 7:6

“Sang tu no̱o̱k yin agabu ike̱ng iya i ta se zhe̱l baꞌ, sang tu barak yin álade ata yin áfe itso̱m baꞌ. Ke yin nye yin anong, á tà shesh ne i kirik i ta bu i tà ka marang yin.

aFilipi 3:2

Nye yin tatan be ágabu'ong, áfe á ta nye ámaan ike̱re̱. Á tsang á tse̱k iro̱m ba kpe̱de̱ng ye, ba sen naka nye izhak.

Afisa 2:12

Yiring yin nizen iyong, yin tsang i se yin mak be aKiristi baꞌ, a ta sok yin ye yin nye yin áner Isarela baꞌ, ye, yin be yin ike̱ng ikak kaye̱e̱r kushu Adakunom tá nye be átukop yir baꞌ. Kaye̱e̱r kazatse na yin se yin dar kute riye̱ ne yin be yin Adakunom baꞌ.

aGalati 2:15

“Yir áya afe i ta nye yir kutes áner aYahuda, sang ‘Aduk áner áfe rine̱n baꞌ.’

Ike̱ng a ta tonong aYohana 22:15

Áfe a tana sor nufang'e ne á nye áner aya kunye ba ta tas kufe ágabu, áfe a ta nye kubok, áfe a ta nye rikuna be áfe kufe̱s ánerawe ne áfe kuya ike̱re̱ iduk iben be áfe a ta shim kubo̱s abo̱o̱s.

aRom 9:4

áner Isarela. Ba ne Adakunom tú ku sak ba á tá te inoon wu, a tú tonong ba kuyiik wu, a tú ku nye ba kushu be Itsi iya a ta ka no̱o̱k ba, ne a ka tonong ba iren ku kuya iben ife katsak. A bun a tú ku no̱o̱k ba kuto̱.

aMatiyu 15:25

Abining ame be̱, a tá tigbok akuur nasho̱o̱n aYeso a tá fe̱ ye, “Atekasa, ni se̱ mo.”

aMatiyu 15:27

Abining'e fe̱ be wu ye, “I se anong gye̱r, Atekasa, amma ágabu kyem á ya naya atekasa ba nafe na ta kpas kaben.”