aMatiyu 15:11 - Izere New Testament

¹¹ Sang ike̱ng i ta no̱ nanu ánerawe ne i ku sak a ta won dar a se zhe̱l baꞌ, ma ike̱ng i ta wuruk nanu wu.”

aMatiyu 15:11 Referans Kwoze

aMarkus 7:15

Sang ike̱ng iya i ta ne nufang, i ta no̱ nanu anerawe ne i tù ku sak a tà won dar a se zhe̱l baꞌ, amma iya i ta wuruk nanu wu ne i tù ku sak a tà won dar a se zhe̱l.

aRom 14:17

Kamok itak rigwo̱m Adakunom nye itak kuya ne a so̱ baꞌ, amma itak kuse gye̱r nasho̱o̱n Adakunom ne kusor caang be riye̱ rikan kaye̱e̱r Kabik Kazhe̱l'e.

aRom 14:20

Sang i tu beseng yin itomong Adakunom kamok itak naya baꞌ. Koakye kuri naya se zhe̱l, amma i se gye̱r anerawe ta ya ike̱ng i tana sak afudang wu tanin turuk kutak baꞌ.

Ibrani 13:9

Sang tu won yin kubo̱so̱p kuduk ta ko̱ro̱k aye̱ yin baꞌ. I se gye̱r aye̱ yir ta se̱ agap kaye̱e̱r ritek Adakunom sang be kukuus itsi kuya naya baꞌ. Kukuus itsi kuya naya ti barang áner aya a ta kuus itsi iyong ike̱ng ikak baꞌ.

aRom 14:14

Mi ren, mi bun i no̱o̱k katsak na Agwo̱m Ágwo̱m yir aYeso ye naya nakak kuse na ta won dar na se zhe̱l be kunik wu baꞌ. Amma ke akak ra di ye ike̱ng ikak se zhe̱l baꞌ, to̱, nufu ne i se zhe̱l baꞌ.

2 aBitrus 2:18

A ya aduk kuka be rine̱n ne á wo̱ro̱k áya a ta ra won kunye rine̱n'ong tsek be ike̱re̱ iya kuro̱m ta shim.

aTitus 1:15

Koakye se zhe̱l nufe áner aya a ta sok ye i se ázhe̱l'e. Amma ike̱ng ikak se zhe̱l nufe áya a be katsak ka áya a ta be agak riye̱ baꞌ, kamok kuto̱ro̱ng ba ne aye̱ ba se zhe̱l baꞌ.

aMatiyu 15:10

aYeso yis rigwo̱m ánerawe na tá fe̱ be ba ye, “Wesek yin ato ta fok yin.

aMatiyu 15:12

Iyong álimazhiri wu be̱ nufu á ta fe̱ ye, “Wan ren ye aner aFarisi aye̱ beseng be ike̱ng iya wan tá fe̱'ong aꞌa?”

1 aTimoti 4:3

Áner kuri ayong roon ánerawe kunye kuwe̱ne̱ng ne kuya naya kuri nakak. Amma Adakunom nye naya kamok ánerawe áya a tin no̱o̱k katsak ne á ren katsak nong á tà shan be riye̱ rikan.